27.06.2026 | 12:48
Գտնում եմ, որ ողջ ՀՀ-ում պետք է վերաքվեարկություն նշանակվի, անվավեր ճանաչվի այս ընտրությունը․ Օրբելյան․ ՏԵՍԱՆՅՈՒԹ
Ուկրաինայի պատերազմի պատճառով Ռուսաստանը կորցրել է իր դերը զենքի շուկայում. բրիտանական հետախուզություն
Քաղաքականություն
02.02.2023 | 13:41
Փետրվարի 2-ին բրիտանական հետախուզությունը ամենօրյա իր զեկույցում կենտրոնանում է ուկրաինական պատերազմի պատճառով ռուսական զենքի արտահանման դժվարությունների վրա, գրում է BBC-ի ռուսական ծառայությունը։ Մասնավորապես, նշվում է, որ Ուկրաինա ներխուժումն ու միջազգային պատժամիջոցներն,ըստ երևույթին, խաթարել են Ռուսաստանի՝ որպես զենքի հուսալի արտահանողի դերը։
«Դեռ պատերազմից առաջ Ռուսաստանի մասնաբաժինը սպառազինության միջազգային շուկայում նվազում էր։ Այժմ, ընտրություն կատարելով գործընկերներին նոր զենք մատակարարելու և Ուկրաինայում դրանք տեղակայելու միջև, Ռուսաստանի իշխանությունները, ամենայն հավանականությամբ, նախընտրում են երկրորդը։Մասերի պակասը, հավանաբար, կազդի նաև արտահանման համար նախատեսված սարքավորումների արտադրության վրա, ինչպիսիք են զրահատեխնիկան, մարտական ուղղաթիռները և հակաօդային պաշտպանության համակարգերը»,-ասվում է զեկույցում։
Բացի այդ նշվում է, որ Ռուսաստանի ունակությունը՝ սպասարկելու գործող պայմանագրերը, մատակարարելու մասեր և տեխնիկական սպասարկում իրականացնելու հնարավորությունը, հավանաբար, լրջորեն խաթարված կմնա առնվազն երեքից հինգ տարի:
Էմմա Չոբանյան
