20.03.2026 | 23:39
Կիևը Մերձավոր Արևելք ռազմական խմբեր է ուղարկել՝ ԱԹՍ-ներ որսալու համար
Թեհրանը մեղադրում է Իսրայելին և իրեն իրավունք է վերապահում պատասխանել Սպահանում ռազմական օբյեկտի վրա հարձակմանը
Քաղաքականություն
02.02.2023 | 11:42
Իսրայելն է պատասխանատու Սպահանում Իրանի պաշտպանության նախարարության օբյեկտի վրա հարձակման համար։ Այս մասին ISNA գործակալության փոխանցմամբ՝ հայտարարել է ՄԱԿ-ում Իրանի Իսլամական Հանրապետության մշտական ներկայացուցիչ Սաիդ Իրավանին։
«Այս ռեժիմի (Իսրայել) գործողությունը խախտում է միջազգային օրենքները և (հետևաբար) դատապարտվում է», – գրել է Իրավանին ՄԱԿ-ի Անվտանգության խորհրդի նախագահին ուղղված իր նամակում։ Նրա խոսքով՝ Թեհրանը Թել-Ավիվի ներգրավվածության մասին եզրակացության է եկել առաջնային հետաքննությունից հետո։
«Միջազգային իրավունքի և ՄԱԿ-ի կանոնադրության հիման վրա Իրանի Իսլամական Հանրապետությունը իրեն վերապահում է օրինական և անօտարելի իրավունքը՝ պաշտպանելու իր ազգային անվտանգությունը և վճռականորեն արձագանքելու Իսրայելի ցանկացած սպառնալիքի կամ սխալ վարքագծի, երբ և որտեղ հարմար գտնի», – նշել է դիվանագետը։
Հիշեցնենք, որ կիրակի լույս հունվարի 29-ի գիշերը Իրանի կենտրոնական հատվածում՝ Սպահան քաղաքում, ուժգին պայթյուն էր որոտացել ռազմական օբյեկտներից մեկում։
Տաթև Ֆռանգյան
