15.09.2026 | 15:02
Ենթադրաբար, Հայկ Սարգսյանը կհեռացվի կուսակցությունից նկատողության պարագայում. Ալեքսանյան․ ՏԵՍԱՆՅՈՒԹ
Կովկասյան բանակցությունների հարցերով ԱՄՆ նոր խորհրդականը նաև ԵԱՀԿ Մինսկի խմբի ձևաչափում համանախագահ է․ Պետքարտուղարություն
Քաղաքականություն
02.02.2023 | 11:31
ԱՄՆ Պետքարտուղարության մամուլի փոխխոսնակ Վեդանտ Պատելը ճեպազրույցում խոսել է նաև պետքարտուղար Էնթոնի Բլինքենի կողմից Կովկասյան բանակցությունների հարցերով նոր խորհրդականի նշանակման շուրջ։
«Պետքարտուղար Բլինքենը հնարավորություն է ունեցել խոսել Հայաստանի ու Ադրբեջանի առաջնորդների հետ։ Սա մի բան է, որով մենք շարունակելու ենք խորապես ներգրավված մնալ: Պարոն Բոնոյի թեմայով․ նա առաջնորդելու է Հարավային Կովկասում խաղաղության ու կայունության ուղղությամբ ԱՄՆ ներգրավվածությունը։ Նա նաև ներկայացնում է ԱՄՆ-ն ԵԱՀԿ Մինսկի խմբի համանախագահության ձևաչափում, ինչպես իր նախորդներն այս դերում։ Սա Բայդենի վարչակազմի համար մշտական առաջնահերթություն է: Պարոն Բոնոն պետքարտուղարությունում ավագ ղեկավար է, որն ունի բարդ խնդիրների վրա աշխատելու զգալի փորձ: Եվ նա ունի քարտուղար Բլինքենի և այս գերատեսչության անձնական վստահությունը այս նոր դերը ստանձնելու հարցում»,-ասել է Պատելը։
Հավելենք, որ ավելի վաղ պետքարտուղար Բլինքենը հայտնել էր, որ Կովկասյան բանակցությունների գծով ավագ խորհրդական է նշանակել Լուիս Բոնոյին, որն այս պաշտոնում փոխարինում է Ֆիլիպ Ռիքերին։
Էմմա Չոբանյան
