12.03.2026 | 23:35
Վթար Երասխ-Երևան ավտոճանապարհին․ կան տուժածներ
Պատրոն Դավոն կալանավորվել է․ Արցախում կօգնեն բլոկադայից հետո աշխատանք կորցրածներին․ Լուրեր
Քաղաքականություն
01.02.2023 | 17:03
- Արցախի պետնախարար Ռուբեն Վարդանյանի ղեկավարությամբ այսօր տեղի ունեցած խորհրդակցության ընթացքում ներկայացվել են շրջափակման տնտեսական և սոցիալական հետևանքների մեղմմանն ուղղված միջոցառումները: Եթե ճգնաժամի պատճառով տնտեսվարողներն ստիպված են եղել գնալ ազատումների և կրճատումների, ապա այդ աշխատողներին հունվար ամսվա համար նվազագույն աշխատավարձի չափով աջակցություն կտրամադրվի: Մյուս ծրագիրը վերաբերում է նույն ժամանակահատվածում գրանցված աշխատանք չունեցող անձանց. յուրաքանչյուր երեխայի հաշվով նրանց տրամադրվելու է որոշակի գումարի չափով աջակցություն:
- ԱԺ «Հայաստան» խմբակցության նախաձեռնությամբ փետրվարի 3-ի կանցկացվեն խորհրդարանական լսումներ` Ադրբեջանի կողմից Լաչինի միջանցքը փակելու վերաբերյալ խմբակցության ներկայացրած ԱԺ հայտարարության նախագծի առնչությամբ։ Խմբակցության պատգամավոր Գեղամ Մանուկյանը հայտնել է, որ Պաշտոնապես ԱԺ ղեկավարությանը փոխանցվել է, որ ցանկալի է Սուրեն Պապիկյանի ներկայությունը որպես նաև հարակից զեկուցող։
- Պաշտպանության նախարությանը զենք մատակարարող ընկերության տնօրեն Դավիթ Գալստյանը, որ հայտնի է Պատրոն Դավո մականունով, կալանավորվել է։ Մինչ այս նույն գործի շրջանակում Գալստյանը գտնվել է կալանքի տակ, ապա 50 մլն դրամ գրավի դիմաց ազատ է արձակվել։
Այս ժամի լուրերը՝ տեսանյութում։
