26.07.2026 | 20:00
Ի՞նչ արժե անվճար կայանատեղին. վճարովի օգնություն «ստայանշիկ»-ներից. ապօրինի արգելքների ՇԵՐՏԵՐԸ. ՏԵՍԱՆՅՈւԹ
Էրդողանն անվանել է Շվեդիայի՝ ՆԱՏՕ-ին անդամությանն աջակցելու պայմանը
Քաղաքականություն
01.02.2023 | 16:27
Թուրքիայի նախագահ Ռեջեփ Թայիփ Էրդողանը խորհուրդ է տվել Շվեդիային «դատարկ ջանքեր չգործադրել» ՆԱՏՕ-ի անդամակցության ճանապարհին, գրում է Անադոլու գործակալությունը։ Էրդողանը, ելույթ ունենալով իշխող «Արդարություն ու զարգաց»ում» կուսակցության խորհրդարանական խմբակցության նիստում, հայտարարել է․«Քանի դեռ Շվեդիայում մեր սուրբ գրքի՝ Ղուրանի այրման նման գործողությունները թույլատրված են, մենք «այո» չենք ասի ՆԱՏՕ-ին միանալու Ստոկհոլմի դիմումին»:
Նա նաև նշել է, որ ի տարբերություն Շվեդիայի՝ Ֆինլանդիայի դիմումի նկատմամբ Անկարայի վերաբերմունքը դրական է։
«Մեր վերաբերմունքը Հելսինկիի հայտի նկատմամբ դրական է, իսկ Շվեդիայի դիմումի նկատմամբ՝ բացասական ։ Ուստի՝ Ստոկհոլմը չպետք է դատարկ ջանքեր գործադրի ՆԱՏՕ-ի ճանապարհին»,- հայտարարել է Թուրքիայի ղեկավարը։
Հավելենք, որ ավելի վաղ էլ Էրդողանն ասել էր, որ Թուրքիան կարող է Ֆինլանդիայի՝ ՆԱՏՕ-ի անդամությանը հավանություն տալ՝ «շոկի ենթարկելով Շվեդիային»։
Էմմա Չոբանյան
