05.11.2024 | 16:33
ԱՄՆ-ում ընտրատեղամասի աշխատակցին ձերբակալել են՝ ընտրողներին պայթեցնելու սպառնալիքներ ուղարկելու համար
COVID-19-ը շարունակում է գլոբալ վտանգ ներկայացնել․ ԱՀԿ
Քաղաքականություն
30.01.2023 | 23:20
Կորոնավիրուսը շարունակում է գլոբալ վտանգ ներկայացնել, դրա տարածման մակարդակը դեռ շատ բարձր է, երկուշաբթի հայտնել է ԱՀԿ քարտուղարությունը, գրում է Ինտերֆաքսը։
«Վերջին գործառնական գնահատումը ցույց է տվել, որ COVID-19-ը շարունակում է գլոբալ վտանգ ներկայացնել մարդու առողջության համար, վիրուսի փոխանցման մակարդակը մնում է բարձր»,- ասվում է ԱՀԿ կայքէջում։
Քարտուղարությունը մտահոգություն է հայտնել, որ որոշ երկրներ դադարեցրել են վարակման, մահացության և հոսպիտալացումների վերաբերյալ տվյալներ ներկայացնելը, և ընդգծել է այդ տեղեկատվության ժամանակին հաղորդման կարևորությունը, որն անհրաժեշտ է ներկա վիճակը հասկանալու համար:
ԱՀԿ-ն կոչ է անում պահպանել զգոնությունը, շարունակել առողջական հսկողություն իրականացնել, ինչպես նաև շարունակել բնակչության պատվաստումները:
COVID-19 համաճարակի սկզբից ի վեր, ըստ Ջոնս Հոփկինսի համալսարանի, հիվանդությունը 6,8 միլիոն կյանք է խլել։ Ընդհանուր առմամբ ախտորոշվել է վարակի շուրջ 700 մլն դեպք։ Մինչ օրս ամբողջ աշխարհում բաշխվել է COVID-19 պատվաստանյութի 13,2 միլիարդ չափաբաժին։
Տաթև Ֆռանգյան
