08.10.2026 | 23:18
Քննարկվել են ՀՀ-ի և Իրանի մաքսային մարմինների միջև նախնական էլեկտրոնային տվյալների փոխանակման համակարգի գործարկման քայլեր
Հայ-ադրբեջանական հարաբերությունների կարգավորումը առաջնահերթություն է․ ՌԴ ԱԳՆ
Քաղաքականություն
30.01.2023 | 15:05
ՌԴ ԱԳՆ-ն հրապարակել է 2022թ-ի ամփոփոչ մամուլի ասուլիսում ԶԼՄ-ի հարցերին պատասխանները , որոնցում անդրադարձ կա նաև Հարավային Կովկասում Մոսկվայի ռազմավարական անելիքներին։
Պատասխանում ասվում է, որ Հարավային Կովկասի երկրների հետ ՌԴ-ին կապում են «ընդհանուր պատմությունը, հոգևոր և մշակութային մտերմությունը, ժողովուրդների միջև ամուր բարեկամական կապերը։ Ռուսաստանը, որն ուղղակիորեն սահմանակից է Հարավային Կովկասին, շահագրգռված է այդ տարածաշրջանի կայունությամբ և բարգավաճմամբ, նրա տրանսպորտային, լոգիստիկ, առևտրի, ներդրումային և տեխնոլոգիական հնարավորությունների փոխշահավետ օգտագործմամբ և բացահայտմամբ։ «Հենց դրան է ուղղված Մոսկվայի դիվանագիտությունը։ Մենք ինտենսիվ աշխատում ենք տարածաշրջանում կուտակված հակամարտության լիցքաթափման ուղղությամբ։ Այս առումով առաջնահերթ խնդիրներից է հայ-ադրբեջանական հարաբերությունների կարգավորումը։ Հիմք են հանդիսանում Ռուսաստանի, Ադրբեջանի ու Հայաստանի ղեկավարների 2020 թ-ի նոյեմբերի 9-ի, 2021 թ-ի հունվարի 11-ի, նոյմեբերի 26-ի, 2022 թ-ի հոկտեմբերի 31-ի հայտարարությունները։ Համոզված ենք, որ գործընթացի հաջողությունն ամբողջությամբ կախված է այս եռակողմ պայմանավորվածությունների խստիվ պահպանումից»,-ասվում է ՌԴ ԱԳՆ պատասխանում։
Էմմա Չոբանյան
