16.08.2026 | 23:19
Ըմբիշներ Սամվել Տերտերյանը և Յուրիկ Պետրոսյանը դուրս են եկել Մ-20 ԱԱ-ի եզրափակիչ. ՏԵՍԱՆՅՈՒԹ
Թուրքիայում ԱՄՆ դեսպանատունը դարձյալ նախազգուշացնում է հնարավոր ահաբեկչությունների մասին
Քաղաքականություն
30.01.2023 | 13:16
Թուրքիայում ԱՄՆ դեսպանատունն այսօր ԱՄՆ քաղաքացիներին նախազգուշացրել է Ստամբուլում եկեղեցիների, սինագոգների և դիվանագիտական ներկայացուցչությունների վրա հնարավոր հարձակումների մասին։ Սա դեսպանատան արդեն երկրորդ նման ծանուցումն է վերջին չորս օրվա ընթացքում՝ Եվրոպայում Ղուրանի այրման դեպքերից հետո, գրում է Reuters-ը։
ԱՄՆ դեսպանատունը նշում է, որ «ահաբեկիչները հնարավոր հարձակումները կարող են տեղի ունենալ արևմտյան երկրների բնակիչների կողմից ամենահաճախ այցելվող տարածքներում, հատկապես՝ Բեյօղլի, Գալաթա, Թաքսիմ, Իսթիքլալ թաղամասերում։
Հավելենք, որ ուրբաթ օրը Անկարայում մի շարք այլ երկրների՝ Գերմանիայի, Ֆրանսիայի ու Իտալիայի դեսպանատները ևս անվտանգության նախազգուշացումներ էին արել պաշտամունքի վայրերի վրա հնարավոր պատասխան հարձակումների կապակցությամբ՝ Շվեդիայում, Նիդերլանդներում և Դանիայում մահմեդականների սուրբ գիրքը՝ Ղուրանը, այրելու առանձին դեպքերից հետո: Ի պատասխան Թուրքիան էլ իր քաղաքացիներին նախազգուշացրել էր «ԱՄՆ-ում և Եվրոպայում «հնարավոր իսլամաֆոբ, քսենոֆոբ և ռասիստական հարձակումների» վտանգի մասին:
Էմմա Չոբանյան
