08.10.2026 | 23:18
Քննարկվել են ՀՀ-ի և Իրանի մաքսային մարմինների միջև նախնական էլեկտրոնային տվյալների փոխանակման համակարգի գործարկման քայլեր
Պետական բյուջեի հաշվին՝ 7 օրով Փարիզ․ այցի նպատակը հստակեցված չէ
Քաղաքականություն
28.01.2023 | 21:37
Ազգային ժողովի աշխատակազմի ղեկավար Վահան Նարիբեկյանն իր տեղակալի՝ Հեղինե Խաչիկյանի և Ազգային ժողովի աշխատակազմի հասարակայնության հետ կապերի և հաղորդակցության վարչության պետ Լաուրա Անտոնյանի հետ հարկատուների հաշվին 7 օրով՝ հունվարի 28-ից փետրվարի 4-ը, գործուղվել են Փարիզ։ Իսկ Ալեն Սիմոնյանի օգնական Աշխեն Հայրապետյանը գործուղվել է 5 օրով՝ հունվարի 28-ից փետրվարի 2-ը։ Այս մասին տեղեկանում ենք ԱԺ նախագահի ստորագրած կարգադրությունից։
Թե ինչու է Ալեն Սիմոնյանն իր աշխատակիցներին գործուղում Փարիզ, չի հստակեցվում նրա իսկ ստորագրած կարգադրությունում։ Միայն նշված է, որ այցն աշխատանքային է։ Ուշագրավ է, որ մյուս գործուղումներում հստակ նշված են այցի նպատակները։ Օրինակ՝ Ստրասբուրգ մեկնած պատգամավորների գործուղման կարգադրությունում հստակեցված է, որ նրանք մասնակցելու են ԵԽԽՎ նիստին, իսկ այս դեպքում գաղտնի է պահվել։ Կարգադրությունում նշված է՝ ճանապարհածախսի, օրապահիկի և գիշերակացի հետ կապված ծախսերն իրականացնել Ազգային ժողովին այդ նպատակի համար հատկացված միջոցների հաշվին։
Նարեկ Կիրակոսյան
