27.06.2026 | 15:37
Փամբակ գետում մեքենա և դի են հայտնաբերվել․ փրկարարները որոնում են երկրորդ անձին
Գյուղից մարդը եկել, դուդուկն առել, հրապարակում նվագում է․ 800 հազար տուգանե՞ք․ Բագրատյան․ ՏԵՍԱՆՅՈՒԹ
Հասարակություն
27.01.2023 | 17:25
ԱԺ տարածքային կառավարման, տեղական գյուղատնտեսության և շրջակա միջավայրի պահպանության հարցերի հանձնաժողովում քննարկվում է «Երևան քաղաքում տեղական ինքնակառավարման մասին» օրենքում լրացում կատարելու նախագծերի փաթեթը:
Փողոցներում ստեղծագործական ելույթների կանոնակարգման լիազորությունները կվերապահվեն համայնքի ավագանուն, որը կսահմանի բացօթյա վայրերում փողոցներում, մայթերին, հրապարակներում, այգիներում, պուրակներում և այլ տեղերում, մշակութային գործունեության իրականացման կարգը: Խոսքը վերաբերում է շրջիկ երաժիշտներին, նկարողներին, երգող-պարողներին և նմանատիպ գործունեություն իրականացնողներին:
Առաջարկվում է, որ Երևանում և համայնքներում այսուհետև այդպիսի գործունեության իրականացման պայմաններն ու պահանջները սահմանեն համայնքների ավագանիները: Այսինքն` կախված համայնքի կամ բնակավայրի առանձնահատկություններից` սահմանվեն կանոններ և վարչական իրավախախտումների համար նախատեսված տույժեր: Առաջարկվում է սահմանել տույժ` նվազագույն աշխատավարձի 100- ապատիկի, իսկ կրկնվելու դեպքում 200-ապատիկի չափով: Նախատեսվում է նաև անձնական սեփականության գործիքների բռնագանձում։
Պատգամավորները կարևորեցին նախագծի ընդունումը։ Հնչեցին նաև որոշ մտահոգություններ:
«Գյուղից մարդը եկել, դուդուկն առել, հրապարակում նվագում է․ 800 հազար տուգանե՞ք․ դա այնքան էլ արդարացի չի լինի,- ասաց պատգամավոր Սերգեյ Բագրատյանը՝ առաջարկելով միանգամից չտուգանել, այլ առաջին անգամ զգուշացնել-իրազեկել, հետո կրկնվելու դեպքում տուգանել։
Մանրամասները՝ տեսանյութում։
