27.06.2026 | 21:49
Վուչիչը հայտարարել է նախագահի պաշտոնում իր «վերջին օրերի» մասին
Որոշ ծնողներ ապահովության նկատառումներից ելնելով՝ երեխաներին Հրազդանի ԲԿ են ուղեկցում՝ բուժզննության․ մարզպետարանը՝ դպրոցում գազից թունավորվելու դեպքի մասին
Հասարակություն
27.01.2023 | 15:08
Հրազդանի թիվ 11 հիմնական դպրոցում այսօր տեղի ունեցած դեպքի առնչությամբ հայտնում ենք, որ առավոտյան ժամը 11:00-ի սահմաններում Հրազդանի թիվ 11 հիմնական դպրոցի կողմից Հրազդանի բժշկական կենտրոն ահազանգ է ստացվել աշակերտներից մի քանիսի ինքնազգացողության վատացման առնչությամբ․ տեղեկացնում են Կոտայքի մարզպետարանից։
«Դպրոցում աշակերտներից մեկի կողմից անհայտ գազ օգտագործելու հետևանքով ինքնազգացողության վատացմամբ շտապօգնության մեքենայով Հրազդանի բժշկական կենտրոն է տեղափոխվել 9-14 տարեկան 12 երեխա:
Երեխաները տեղափոխվել են Հրազդանի ԲԿ-ի անհետաձգելի բուժօգնության բաժանմունք։
Բժշկական կենտրոնում գտնվողների վիճակը գնահատվում է բավարար։
Հայտնում ենք, որ որոշ ծնողներ ապահովության նկատառումներից ելնելով՝ երեխաներին Հրազդանի բժշկական կենտրոն են ուղեկցում՝ բուժզննության, սակայն լուրջ խնդիրներ չկան:
Կոտայքի մարզպետարանը պարբերաբար տեղեկատվություն կներկայացնի աշակերտների առողջական վիճակի վերաբերյալ:
Բոլորին հորդորում ենք հետևել պաշտոնական տեղեկատվությանը»,- ասված է հաղորդագրությունում։
