16.01.2026 | 19:50
ԱԺ-ն մնացել է առանց ցախավելների, մատակարարը՝ հայտնվել «սև ցուցակում»
Եվրախորհրդարանի պատգամավոր Մարինա Կալյուրանդը հայտնել է ադրբեջանցի պաշտոնյանների կողմից իր հանդեպ սկսված «վհուկների որսի» մասին
Քաղաքականություն
26.01.2023 | 20:40
Եվրոպական խորհրդարանում Հարավային Կովկասի հետ հարաբերությունների պատվիրակության ղեկավար Մարինա Կալյուրանդը հայտարարել է, որ «ադրբեջանցի պաշտոնյաներն իր հանդեպ վհուկների որս են սկսել»։ Այս մասին եվրոպացի պաշտոնյան գրել է իր Twitter-ի էջում։
«Կցանկանայի դիմել ադրբեջանցի պաշտոնյաններին, ովքեր վհուկների որս են սկսել իմ դեմ։ Ես ուզում եմ ձեզ ասել, որ դուք ինձ ո՛չ կվախեցնեք, ո՛չ էլ կլռեցնեք։ Ձեր անհիմն գրոհները ցույց են տալիս ձեր թուլությունը։ Երբ դուք իջնում եք օրենքից, ես բարձրանում եմ»,- գրել է Կալյուրանդը։
Իր հանդեպ ադրբեջանցի պաշտոնյաների կողմից հետապնդումների մասին եվրոպացի պատգամավորը խոսել էր նաև Եվրոպական խորհրդարանի հունվարի 18-ի լիագումար նիստի ընթացքում հրավիրված «Լեռնային Ղարաբաղում շրջափակման մարդասիրական հետևանքները» խորագրով հրատապ բանավեճ-քննարկման ժամանակ։
Տաթև Ֆռանգյան
