06.06.2026 | 21:10
Ջրափի գյուղի ընտրատեղամասում 3-րդ համարի քվեաթերթիկների տրցակը բացակայում էր․ ըստ ԿԸՀ-ի՝ խնդիրը տեխնիկական է
Արևմտյան դաշնակիցները քննարկում են Կիևին կործանիչներ մատակարարելու հարցը․ Politico
Քաղաքականություն
26.01.2023 | 18:23
ՆԱՏՕ-ում քննարկումներ են սկսվել Ուկրաինային ռեակտիվ կործանիչներ մատակարարելու հարցի շուրջ։ Այս մասին գրում է Politico-ն՝ վկայակոչելով իր աղբյուրներին։
«Հիմա, երբ ամերիկյան Abrams-ների և գերմանական Leopard-ների փոխանցման որոշումները կայացվել են, ընդունվել է ուկրաինական ավիացիան ուժեղացնելուն ուղղված հաջորդ տրամաբանական քայլը»,- գրում է լրատվամիջոցը։
Նշվում է, որ կործանիչների շուրջ բանակցություններում շարժիչ ուժը Մերձբալթյան երկրներն են։ Բանակցողները կանխատեսում են, որ բանավեճն ավելի բուռն կլինի, քան տանկերի մատակարարման շուրջ վեճերի դեպքում էր։
Politico-ի հետ զրույցում աղբյուրները հայտնել են, որ իրենց կառավարություններն այլևս անհնարին չեն համարում Ուկրաինային որևէ զենքի մատակարարումը, թեև էսկալացիայի ռիսկը պահպանվում է։
Վաշինգտոնում անանուն դիվանագետի խոսքով՝ դաշնակիցներն արդեն անցել են մի քանի կարմիր գիծ, որոնք պոտենցիալ սպառնում էին սրել հակամարտությունը: Նա նշել է, որ սկզբում դրանք HIMARS-ներն էին, հետո՝ ծանր տանկերը։
«Այսօր կործանիչների մատակարարման հնարավորությունը փոքր է թվում, սակայն մենք կարող ենք դա քննարկել 2-3 շաբաթից»,- լրատվամիջոցին ասել է ԵՄ ներկայացուցիչը։
Էմմա Չոբանյան
