05.11.2024 | 20:14
Ստեփանծմինդա-Լարս ավտոճանապարհը փակ է բեռնատարների համար
Համաշխարհային տնտեսական աճը վերջին տասնամյակների ընթացքում ամենացածրն է․ ՄԱԿ
Քաղաքականություն
26.01.2023 | 19:52
2022 թվականին մի շարք լուրջ և փոխադարձաբար ուժեղացվող ճգնաժամերի համադրությունը՝ համաճարակը, Ուկրաինայում պատերազմը և դրանից բխող պարենային ու էներգետիկ ճգնաժամերը, աճող գնաճը, պարտքի բեռի վատթարացումը, կլիմայական արտակարգ դրությունն իջեցրեցին համաշխարհային տնտեսական աճի ցուցանիշները։ Այս մասին ասվում է ՄԱԿ-ի 2023 թվականի իրավիճակի և համաշխարհային տնտեսության հեռանկարներին վերաբերող զեկույցում։
«Այս ֆոնին կանխատեսվում է, որ համաշխարհային արտադրության աճը 2022 թվականին 3,0 տոկոսից կդանդաղի մինչև 1,9 տոկոսի 2023 թվականին, որը տասնամյակների ընթացքում ամենադանդաղ աճի տեմպերից մեկն է»,- հայտարարել են կազմակերպությունում։
ՄԱԿ-ի տնտեսական և սոցիալական հարցերի դեպարտամենտը կանխատեսում է, որ հաջորդ տարի համաշխարհային տնտեսական աճը կհասնի 2,7 տոկոսի, եթե աճի խոչընդոտները թուլանան:
Համաշխարհային աճի հեռանկարների վրա էապես կազդեն դրամավարկային քաղաքականության հետագա խստացման տեմպերն ու հաջորդականությունը, Ուկրաինայում պատերազմի ընթացքն ու հետևանքները, ինչպես նաև մատակարարման շղթայում հնարավոր հետագա խափանումները, կարծում են կազմակերպության փորձագետները։
Տաթև Ֆռանգյան
