28.04.2026 | 19:18
Առաջիկա օրերին Գագիկ Ծառուկյանը կհնչեցնի վարչապետի մեր թեկնածուի անունը․ Իվետա Տոնոյան․ ՏԵՍԱՆՅՈՒԹ
Ալիևը երկրում Ֆրանսիայի նորանշանակ դեսպանին ասել է, թե Լաչինի միջանցքի փակ լինելու մասին «Հայաստանի պնդումները կեղծ են»
Քաղաքականություն
26.01.2023 | 14:41
Ադրբեջանի նախագահ Իլհամ Ալիևն այսօր ընդունել է Բաքվում Ֆրանսիայի նորանշանակ դեսպան Անն Բույոնի հավատարմագրերը, գրում են ադբեջանական լրատվամիջոցները։
Հաղորդվում է, որ հանդիպման ընթացքում կողմերն արծարծել են նաև տարածաշրջանային հարցեր։ Մասնավորապես, Ալիևը շարունակել է պնդել ադրբեջանական կեղծ թեզը, թե, իբր, Հայաստանն անհիմն պնդումներ է անում Լաչինի միջանցքի փակ լինելու մասին ու հայտարարել, թե դրանք «լիովին կեղծ են, աբսուրդային ու անիմաստ»։
Ալիևը հայտարարել է, թե Կարմիր Խաչի միջազգային կոմիտեն և ռուս խաղաղապահներն ապահովում են քաղաքացիական բեռների ու անձանց տեղաշարժը, և որ 1000 տրանսպորտային միջոց է անցել միջանցքով։ Ադրբեջանի նախագահը, սակայն, չի նշել, որ եթե Լաչինի միջանցքը փակ չէ, ապա ինչո՞ւ է Արցախում հումանիտար ճգնաժամը մեղմելու համար ներգրավվել Կարմիր Խաչը։
Բացի այդ, Ալիևը նաև խոսել է Արցախում հանքավայրերի, իբր, անօրինական շահագործման դադարեցման ու այնտեղ մշտական մոնիթորինգ անցկացնելու անհրաժեշտության մասին։
Հիշեցնենք, որ Ադրբեջանի իշխանություններն արդեն 46 օր փակ են պահում Լաչինի միջանցքը։
Էմմա Չոբանյան
