18.12.2025 | 23:24
ՀՀ տարածքում ավտոճանապարհները հիմնականում անցանելի են
Այրվածքներ ստացած զինծառայողների վիճակը բավարար է. Անահիտ Ավանեսյան․ ՏԵՍԱՆՅՈՒԹ
26.01.2023 | 13:38
Երեք զինծառայողից մեկի առողջական վիճակի հետ կապված երկու օր առաջ մի փոքր ծանրացում ունեինք, բայց հրավիրված կոնսիլիումի և բուժման մեջ փոփոխություններ մտցնելու արդյունքում այս պահին բոլորի վիճակը գնահատվում է բավարար և դեռ ստանալու են անհրաժեշտ ամբողջ ծավալով օգնությունը, և հույս ունենք՝ բոլորն առողջացումով պետք է տուն գնան,- այս մասին Կառավարության նիստից հետո ճեպազրույցի ընթացքում անդրադառնալով ՊՆ N զորամասի ինժեներասակրավորային վաշտի կացարանում բռնկված հրդեհից փրկված զինծառայողների առողջական վիճակին՝ նշեց ՀՀ առողջապահության նախարար Անահիտ Ավանեսյանը։
Նախարարն ընդգծեց, որ նրանց կյանքին վտանգ չի սպառնում:
Անդրադառնալով հարցին, թե արդյոք այցելել է այդ զինծառայողներին, նախարարը նշեց, որ այսօր գիշեր է վերադարձել գործուղումից, և այսօրվա ընթացքում կայցելի նրանց։
Հիշեցնենք, որ հունվարի 19-ին հրդեհ է բռնկվել ՊՆ N զորամասի կացարանում. զոհվել է 15, վիրավորվել 3 զինծառայող։
Մանրամասները՝ տեսանյութում։
