08.10.2026 | 23:18
Քննարկվել են ՀՀ-ի և Իրանի մաքսային մարմինների միջև նախնական էլեկտրոնային տվյալների փոխանակման համակարգի գործարկման քայլեր
Ֆինլանդիան թույլատրել է 2019թ. ի վեր առաջին ռազմական նշանակության ապրանքների արտահանումը Թուրքիա
Քաղաքականություն
26.01.2023 | 17:40
Ֆինլանդիայի Պաշտպանության նախարարությունը հայտարարել է, որ երկիրը 2019 թվականից ի վեր ռազմական արտադրանքի առաջին առևտրային արտահանման լիցենզիան է տվել Թուրքիային, ինչն Անկարայի հիմնական պահանջն է՝ հավանություն տալ ՆԱՏՕ-ին Հելսինկիի անդամակցության հայտին։ Այս մասին հաղորդում է Agence France-Presse-ը, որին վկայակոչում է Turkish Minute-ը։
Նախարարության հատուկ խորհրդական Ռիկա Փիթքանենն ասել է, որ արտահանման լիցենզիան վերաբերում է պողպատին, որը կօգտագործվի զրահատեխնիկայի համար:
Ֆինլանդիան դադարեցրել էր Թուրքիային ռազմական արտահանման նոր լիցենզիաներ տրամադրել 2019 թվականի հոկտեմբերին՝ Սիրիայում Թուրքիայի ռազմական գործողության պատճառով։
«2019 թվականի հոկտեմբերից Թուրքիային որևէ ոչ առևտրային արտահանման լիցենզիա չի տրվել»,- հիշեցրել է Փիթքանենը։
Ռազմական արտահանման վերսկսումն Անկարայի առաջադրած պայմաններից է՝ կանաչ լույս վառելու ՆԱՏՕ-ի ֆիննական և շվեդական հայտերի համար, որոնք ներկայում փակուղում են գտնվում։
Սեպտեմբերի վերջին էլ Շվեդիայի իշխանություններն էին հանել Թուրքիա ռազմական արտահանման արգելքը։
Այս հայտարարությունները հնչում են այն բանից հետո, երբ Անկարան հետաձգեց Շվեդիայի ու Ֆինլանդիայի հետ ՆԱՏՕ-ին անդամակցության հարցով եռակողմ բանակցությունները՝ Ստոկհոլմում Ղուրանն այրելու ակցիայից հետո։
Էմմա Չոբանյան
