06.06.2026 | 20:00
Ում ենք ընտրում չընտրելով․ քվեարկության չԳնալու ՇԵՐՏԵՐԸ. ՏԵՍԱՆՅՈՒԹ
ԵՄ դիտորդների տեղակայումը խնդրահարույց է հայ-ռուսական հարաբերությունների համատեքստում․ Տիգրան Աբրահամյան․ ՏԵՍԱՆՅՈՒԹ
Քաղաքականություն
24.01.2023 | 17:17
ԵՄ դիտորդական առաքելությունը երկու տարի կտեղակայվի Հայաստանում։ Այս որոշման հետ կապված իր դիրքորոշումը ներկայացնելով՝ «Պատիվ ունեմ» խմբակցության պատգամավոր Տիգրան Աբրահամյանը Factor TV-ի հետ զրույցում նշեց, որ ԵՄ դիտորդական առաքելության երկամյա գործընթացի հետ կապված՝ առաջին հերթին պետք է հաշվի առնել արտաքին գործոնները․ սա առաջին հերթին վերաբերում է ՌԴ դիրքորոշմանը և մոտեցումներին։
«Օրեր առաջ ՌԴ արտգործնախարարը մտահոգություն, զարմանք արտահայտեց Հայաստանի որոշման կապակցությամբ՝ հայտարարելով, որ առաջինը ՀԱՊԿ-ն էր արձագանքել և պատրաստ էր առաքելություն տեղակայելու Հայաստան – Ադրբեջան սահմանագծին։
ԵՄ դիտորդների տեղակայումը խնդրահարույց է ոչ միայն հայ-ռուսական հարաբերությունների համատեքստում, այլ նաև, որ մենք պետք է ամեն ինչ անենք, որպեսզի խուսափենք Արևմուտք – Ռուսաստան հակադրությունը մեր տարածաշրջան տեղափոխելուց, բայց ակնհայտ է, որ այստեղ կան բախվող շահեր, կան հայ-ռուսական հարաբերությունների վատացման միտումներ»,- նշեց Աբրահամյանը։
Ընդդիմադիր պատգամավորի կարծքով՝ արդյունավետության տեսանկյունից կարևոր կլիներ, եթե քաղաքացիական առաքելությունը կարողանար աշխատանք իրականացնել նաև Ադրբեջանի վերահսկողության տակ հայտնված տարածքներում։
Մանրամասները՝ տեսանյութում։
