20.04.2026 | 13:49
ՖԻԴԵ-ն արձագանքել է Սմբատ Լպուտյանի ձերբակալությանը
Գերմանիայի ՊՆ ղեկավարն ու ՆԱՏՕ-ի գլխավոր քարտուղարը քննարկել են Ուկրաինային Leopard տանկերի փոխանցման հարցը
Քաղաքականություն
24.01.2023 | 16:36
ՆԱՏՕ-ի գլխավոր քարտուղար Յենս Ստոլտենբեգը Գերմանիայի ՊՆ ղելավար Բորիս Պիստորիուսի հետ հանդիպումից հետո հայտարարել է, որ նրանք «տանկերի փոխանցման խնդրի մասով լավ քննարկում են անցկացրել»։ BBC-ի ռուսական ծառայության փոխանցմամբ՝ Ստոլտենբերգը վստահություն է հայտնել, որ տանկերի վերաբերյալ որոշումը շուտով կլինի։
Իր հերթին, Պիստորիուսն ասել է, որ Գերմանիան կօգնի Ուկրաինային հաղթել Ռուսաստանի դեմ պատերազմում։
«Մենք աջակցում ենք Ուկրաինային, որ նա չպարտվի այս պատերազմում, հաղթի այն։ Դրա համար Գերմանիան անում է ավելին, քան գրեթե ցանկացած այլ դաշնակից՝ ԱՄՆ-ից բացի»,- ասել է Պիստորիուսը։
Հարցին՝ Գերմանիան ե՞րբ է նախատեսում որոշում կայացնել գերմանական արտադրության Leopard տանկերի վերաբերյալ, Պիստորիուսը պատասխանել է, որ դա իրենից կախված չէ: Նա նաև պաշտպանել է կանցլեր Օլաֆ Շոլցին տանկերի առաքումը հավանություն տալու վերաբերյալ երկմտանքի մեղադրանքներից:
«Լինել առաջնորդ՝ չի նշանակում կուրորեն առաջ գնալ։ Եվ եթե որոշում կայացվի ևս մեկ-երկու օր անց, ուրեմն այդպես էլ լինելու է»,- ասել է նա։
Հավելենք, որ Լեհաստանը պատրաստ է Ուկրաինային փոխանցել գերմանական հզոր Leopard 2 տանկերը, սակայն դրա համար անհրաժեշտ է Գերմանիայի թույլտվությունը։
Էմմա Չոբանյան
