28.10.2026 | 23:23
Քննարկվել են Լուվրի և Հայաստանի պատմության թանգարանի միջև համագործակցության հեռանկարները
ԵՄ դիտորդների առկայությունը սահմանային անվտանգության երաշխիք է, միջադեպերը կարձանագրվեն. Խանդանյան․ ՏԵՍԱՆՅՈՒԹ
Քաղաքականություն
24.01.2023 | 14:28
ԵՄ-ն երեկ որոշում կայացրեց 2 տարի ժամկետով Հայաստան ուղարկել դիտորդական առաքելություն։
ՀՀ «Քաղաքացիական պայմանագիր» խմբակցության պատգամավոր Սարգիս Խանդանյանը Factor.am-ի հետ զրույցում նշեց, որ քաղաքացիական դիտորդական այս առաքելության ծառայությունը տարբերվելու է նախորդից նրանով, որ նախորդը ԵՄ Վրաստանում տեղակայված դիտորդական առաքելության մի հատվածն էր, որը եկել էր Հայաստան և 2 ամիս ժամկետով էր իրականացնում էր իր առաքելությունը, իսկ այժմ Հայաստանում է ստեղծվելու դիտորդական առաքելություն։
Պատգամավորի խոսքով՝ առայժմ տեղեկություն չկա դիտորդների թվականակի մասին, միայն հայտնի է, որ 2 տարի ժամկետով են Հայաստանում առաքելություն իրականացնելու։
«Առաքելության նպատակն է նպաստել Հայաստանի սահմանամերձ շրջաններում կայունության հաստատմանը, տեղում վստահության ամրապնդմանն ու այնպիսի մթնոլորտի ձևավորմանը, որ կաջակցի Հայաստանի և Ադրբեջանի միջև հարաբերությունների կարգավորման՝ ԵՄ կողմից գործադրվող ջանքերին», – նշված է ԵՄ խորհրդի այսօր տարածած հաղորդագրության մեջ։
Անդրադառնալով այս դիտարկմանը Խանդանյանն ընդգծեց․ «ԵՄ դիտորդների առկայությունը սահմանային անվտանգության երաշխիք է, միջադեպերը կարձանագրվեն»։
Մանրամասները՝ տեսանյութում։
