07.06.2026 | 00:08
Ձերբակալվել է Բյուրական համայնքի նախկին ղեկավար Զարզանդ Գրիգորյանը
Պեսկովն անդրադարձել է Էնթոնի Բլինքենի՝ Լաչինի միջանցքն անհապաղ բացելու մասին Ալիևին ուղղված կոչին
Քաղաքականություն
24.01.2023 | 15:24
Ռուսաստանը շարունակում է Հայաստանի և Ադրբեջանի միջև երկխոսության գործում տքնաջան ու բարդ աշխատանք տանել։ Այս մասին լրագրողների հետ զրույցում հայտարարել է ՌԴ նախագահի մամուլի խոսնակ Դմիտրի Պեսկովը, գրում է ՏԱՍՍ-ը։
«Ռուսաստանը, որպես եռակողմ պայմանավորվածությունների ու փաստաթղթերի կողմերից մեկը, որոնք ստորագրվել են երկու տարի առաջ, շարունակում է կատարել իր պարտավորությունները և տքնաջան ու բարդ աշխատանքը և՛ Հայաստանի, և՛ Ադրբեջանի հետ»,- ասել է Պեսկովը՝ պատասխանելով հարցին, արդյո՞ք Կրեմլը համերաշխ է ԱՄՆ պետքարտուղար Էնթոնի Բլինքենի՝ Ադրբեջանի նախագահ Իլհամ Ալիևին ուղղված կոչին՝ անհապաղ վերաբացել Լաչինի միջանցքը։
Հիշեցնենք, որ նախօրեին Էնթոնի Բլիքենը Ալիևի հետ հեռախոսազրույցում նշել էր, որ Լաչինի միջանցքում հումանիտար ճգնաժամի վտանգը խաթարում է Հայաստանի և Ադրբեջանի միջև խաղաղության հեռանկարները։ Պետքարտուղարը խրախուսել էր Ալիևին՝ կրկնապատկել ջանքերը Հայաստանի հետ երկկողմ խաղաղ բանակցություններում։ Բլինքենը նաև ներկայացրել էր Ադրբեջանում մարդու իրավունքների վերաբերյալ մտահոգությունները։
Էմմա Չոբանյան
