08.10.2026 | 23:18
Քննարկվել են ՀՀ-ի և Իրանի մաքսային մարմինների միջև նախնական էլեկտրոնային տվյալների փոխանակման համակարգի գործարկման քայլեր
Բաքուն Շուշին առաջադրելու է Տնտեսական համագործակցության կազմակերպության զբոսաշրջային մայրաքաղաքի թեկնածու
Քաղաքականություն
24.01.2023 | 16:52
Ադրբեջանի ԱԳ նախարար Ջեյհուն Բայրամովն Ուզբեկստանի մայրաքաղաք Տաշքենդում մասնակցում է Տնտեսական համագործակցության կազմակերպության (ՏՀԿ) նախարարների խորհրդի 26-րդ նիստին, գրում են տեղական լրատվամիջոցները։
Նիստում ունեցած ելույթում Բայրամովը հայտարարել է, որ Բաքուն Արցախի գրավյալ հայկական Շուշի քաղաքն առաջադրելու է որպես կազմակերպության 2026 թվականի զբոսաշրջային մայրաքաղաք։
Բացի այդ, Ադրբեջանի ԱԳ նախարարը, ձևավորված ավանդույթի համաձայն, կեղծ թեզեր է ներկայացրել ու խոսել գոյություն չունեցող «Զանգեզուրի միջանցքից»։
««Զանգեզուրի միջանցքն» առանձնահատուկ նշանակություն կունենա ամբողջ տարածաշրջանի երկրների համագործակցության զարգացման համար»,- ասել է Բայրամովը։
Հավելենք, որ Տնտեսական համագործակցության կազմակերպության անդամ երկրներն են Իրանը, Թուրքիան, Պակիստանը, Ղազախստանը, Ադրբեջանը, Աֆղանստանը, Ղրղզստանը, Տաջիկստանը, Թուրքմենստանը և Ուզբեկստանը։
Էմմա Չոբանյան
