11.04.2026 | 22:24
Այցելել եմ երեկվա ողբերգական վթարից տուժած փոքրիկներին․ Ավանեսյան
Անկարայում Նիդեռլանդների դեսպանը կանչվել է Թուրքիայի ԱԳՆ՝ ի պատասխան Հաագայում Ղուրանն այրելու ակցիայի
Քաղաքականություն
24.01.2023 | 13:48
Թուրքիայի ԱԳՆ-ն դատապարտել է Հաագայում տեղի ունեցած «հակաիսլամական քայլը, երբ հունվարի 22-ին ծայրահեղ աջ արմատականը հրապարակայնորեն այրել է Ղուրանը»։ Անադոլու գործակալության փոխանցմամբ՝ Թուրքիայում Նիդեռլանդների դեսպանն այդ կապակցությամբ կանչվել է ԱԳՆ։
ԱԳՆ-ն ուշադրություն է հրավիրել այն փաստի վրա, որ «Նիդեռլանդներում տեղի է ունեցել կրոնական ատելության զազրելի հանցագործություն՝ Շվեդիայում տեղի ունեցած նմանատիպ հանցագործությունից անմիջապես հետո»։
«Այս ամենը բացահայտ ապացուցում է, որ իսլամատյացությունը, այլատյացությունը և անջատողականության դրսևորումները սահման չունեն ժամանակակից Եվրոպայում։ Մահմեդականների վրա հարձակումներն ուղղված են ոչ միայն իսլամի, այլև ամբողջ մարդկության իրավունքների և ազատությունների դեմ՝ ուղղված յուրաքանչյուր մարդու հանդուրժողականությանը և բարոյական արժեքներին: Նման գործողությունները հարված են հասցնում խաղաղ համակեցության մշակույթին»,- ասվում է Թուրքիայի ԱԳՆ հայտարարության մեջ։
Հաղորդվում է, որ Նիդեռլանդների դեսպանը կանչվել է ԱԳՆ, որտեղ նրան խիստ բողոք է ներկայացվել։ Անկարան դատապարտել է ակցիան և պահանջել կանխել ցանկացած նման սադրանք Նիդեռլանդներում։
«Նիդեռլանդների իշխանություններից ակնկալում ենք պատասխանատվության ենթարկել անձանց, որոնք կապված են այդ սադրանքի հետ, և կոնկրետ քայլեր՝ ապագայում նմանատիպ հանցագործությունները կանխելու համար»,- ասվում է հայտարարության մեջ։
Էմմա Չոբանյան
