13.09.2026 | 16:49
Փաշինյանը շնորհավորել է Հայաստանի հրեական համայնքին՝ Ռոշ Հաշանայի առիթով
Ֆինլանդիան հայտարարել է Թուրքիայի հետ ՆԱՏՕ-ին անդամակցության բանակցություններում դադարի անհրաժեշտության մասին
Քաղաքականություն
24.01.2023 | 16:00
Ֆինլանդիայի ԱԳ նախարար Պեկա Հաավիստոն հայտարարել է, որ մի քանի շաբաթվա դադար է հարկավոր ՆԱՏՕ-ին անդամակցելու հարցով Ֆինլանդիայի, Շվեդիայի և Թուրքիայի բանակցություններում։
«Անհրաժեշտ է թայմ-աութ՝ նախքան մենք կվերադառնանք եռակողմ բանակցություններին և կտեսնենք՝ որտեղ ենք մենք, ուստի դեռևս պետք չէ եզրակացություններ անել։ Կարծում եմ՝ մի քանի շաբաթով դադար կլինի»,- Պեկա Հաավիստոն Reuters-ի հետ հեռախոսային հարցազրույցում։
Հավելենք, որ Թուրքիան շարունակում է չվավերացնել ՆԱՏՕ-ին Շվեդիայի և Ֆինլանդիայի անդամակցության հայտերը՝ նշելով, որ երկու երկրները չեն կատարում եռակողմ հուշագրի պայմանները։ Բացի այդ, վերջում օրերին կտրուկ լարվել են Շվեդիայի և Թուրքիայի հարաբերությունները, նախ՝ Ստոլհոլմում Թուրքիայի նախագահ Ռեջեփ Թայիփ Էրդողանի խամաճիկը կախելու ակցիայի, ապա նաև Ղուրանն այրելու պատճառով։
Էրդողանը նախօրեին հայտարարել էր, որ Շվեդիան չպետք է Անկարայից աջակցություն ակնկալի ՆԱՏՕ-ին անդամակցելու իր հայտի վավերացման հարցում՝ «այդ երկրի իշխանությունների կողմից Ստոկհոլմում հակաթուրքական գործողություններ իրականացնելու և Ղուրանն այրելու թույլտվությունից հետո»։
Էմմա Չոբանյան
