01.06.2026 | 22:54
Ինչպես հայտագրել առաջին դասարանցիներին
ԵՄ-ն 2 տարով առաքելություն կուղարկի ՀՀ․ Լաչինի հարցը մտավ ԵԽԽՎ-ի օրակարգ․ Լուրեր
23.01.2023 | 18:42
- ԵՄ-ն երկու տարով քաղաքացիական առաքելություն կուղարկի Հայաստան: Եվրոպական խորհուրդն այսօր համաձայնություն է ձեռք բերել Հայաստանում ԵՄ քաղաքացիական առաքելության ստեղծման հարցում: Նշվում է, որ առաքելության նպատակն է՝ նպաստել Հայաստանի սահմանամերձ շրջաններում կայունությանը, տեղում վստահության ձևավորմանը և ԵՄ-ի կողմից աջակցվող Հայաստանի և Ադրբեջանի միջև հարաբերությունների կարգավորման ջանքերին նպաստող միջավայրի ապահովմանը։
- ԵԽԽՎ-ն որոշել է քննարկել Լաչինի միջանցքի շրջափակման մարդասիրական հետևանքների հարցը այս նստաշրջանի օրակարգում։ Այս մասին տեղեկացրել է ՀՀ ԱԺ «Քաղաքացիական պայմանագիր» խմբակցության պատգամավոր Վլադիմիր Վարդանյանը։
- Պետությանը հասցված վնասի վերաբերյալ ԱԱԾ-ում քննած գործերով 2022 թվականին նախաքննության փուլում վերականգնվել է 5 մլրդ 278 մլն դրամ։ Այս մասին նշվում է կառույցի տարին ամփոփող հաղորդագրության մեջ։ Ծառայության քննչական դեպարտամենտի վարույթում քննված քրեական վարույթներից դատարան է ուղարկվել 79 վարույթ, կարճվել է 129 քրեական վարույթ, կասեցվել է 54 քրեական վարույթ։
Այս ժամի լուրերը՝ տեսանյութում։
