16.08.2026 | 23:19
Ըմբիշներ Սամվել Տերտերյանը և Յուրիկ Պետրոսյանը դուրս են եկել Մ-20 ԱԱ-ի եզրափակիչ. ՏԵՍԱՆՅՈՒԹ
Ադրբեջանի ՄԻՊ-ն այցելել է Բաքվում ապօրինի պահվող հայ ռազմագերիներին
Քաղաքականություն
23.01.2023 | 17:51
Ադրբեջանի մարդու իրավունքների hանձնակատար Սաբինա Ալիևան և Ազգային կանխարգելիչ խմբի անդամներն այցելել են հաստատություններ, որտեղ ապօրինի պահվում են հայ ռազմագերիները, հայտնում են ադրբեջանական քարոզչական լրատվականները։
Նշվում է, որ հանդիպումներին մասնակցել են նաև բժիշկներ և հոգեբաններ։
Հաղորդվում է, որ պաշտոնյաները լսել են հայ ռազմագերիներին, դիտարկվել են նրանց պահման պայմանները՝ խցերի վիճակը, դրանց չափերը, լուսավորությունը, օդափոխությունը, անձնական հիգիենայի պայմանները, բուժօգնությունը, սնունդը։
Ադրբեջանական կողմը, բնականաբար, հայտնում է, որ հայ ռազմագերիները բողոքներ չեն հայտնել։
Հավելենք, որ Ադրբեջանի մարդու իրավունքների հանձնակատար Սաբինա Ալիևան անկախ չի գործում, ինչը բնորոշ է օմբուդսմենի ինստիտուտին, այլ ծառայում է բացառապես Ադրբեջանի իշխանություններին։ Նա Մեջլիսի պատգամավոր Սիյավուշ Նովրուզովի կինն է, անդամակցում է երկրի նախագահ Իլհամ Ալիևի ղեկավարած «Նոր Ադրբեջան» կուսակցությանը։
Էմմա Չոբանյան
