04.08.2026 | 23:29
Չժաո Լեցզին շնորհավորել է Ռուբեն Ռուբինյանին ԱԺ նախագահ ընտրվելու կապակցությամբ
ՄԻՊ Գրիգորյանը հրաժարական է տվել․ Ալեն Սիմոնյանը՝ Պապիկյանի հրաժարականի պահանջի մասին․ Լուրեր
Քաղաքականություն
23.01.2023 | 16:32
- Մարդու իրավունքների պաշտպան Քրիստիննե Գրիգորյանը հրաժարականի դիմում է ներկայացրել Ազգային ժողով։ Հաղորդագրության համաձայն՝ պատճառն այն է, որ Գրիգորյանն այլ աշխատանքի է անցնում, ինչի վերաբերյալ այլ մանրամասներ հայտնի չեն։ Գրիգորյանի հրաժարականն ընդունված կհամարվի, եթե մեկ շաբաթվա ընթացքում նա երկրորդ դիմումը ներկայացնի խորհրդարան։
- ԱԺ նախագահ Ալեն Սիմոնյանը հայտարարել է, որ անհիմն է համարում պաշտպանության նախարար Սուրեն Պապիկյանի հրաժարականի պահանջը հրդեհի հեհտևանքով 15 զինծառայողների մահվանից հետո։ Ըստ Սիմոնյանի՝ պաշտպանության նախարարն այդ ամենի հետ որևիցե ձևով չի կարող կապ ունենալ, որովհետև իր գործառույթի մասով ինքն իր աշխատանքը ամբողջովին արել է։ Սիմոնյանը նաև հայտարարել է, թե Պապիկյանը բարեփոխումներ է իրականացնում` սկսած անձնակազմում փոփոխություններից։
- Արցախի պետնախարար Ռուբեն Վարդանյանը հարցազրույց է տվել BBC-ի HardTalk հեղինակավոր հաղորդմանը և պատմել է Արցախի շրջափակման, Ադրբեջանի կողմից ճնշումների մասին։ Վարդանյանը ասել է, որ բանակցություններ պետք են, բայց Արցախը չի կարող լինել Ադրբեջանի կազմում։ Պատասխանելով հարցին, թե ինչու ռուս խաղաղապահները չեն բացում միջանցքը՝ Վարդանյանն ասել է, որ նրանց թվաքանակը քիչ է և նրանք փոքր հնարավորություններ ունեն։
Այս ժամի լուրերը՝ տեսանյութում։
