16.08.2026 | 23:19
Ըմբիշներ Սամվել Տերտերյանը և Յուրիկ Պետրոսյանը դուրս են եկել Մ-20 ԱԱ-ի եզրափակիչ. ՏԵՍԱՆՅՈՒԹ
ՌԴ-ն իջեցնում է Էստոնիայի հետ դիվանագիտական հարաբերությունների մակարդակը․ Տալլինի ներկայացուցիչը պետք է հեռանա Մոսկվայից
Քաղաքականություն
23.01.2023 | 16:08
Ռուսաստանը, ի պատասխան Տալլինում իր դեսպանատան անձնակազմի թվի զգալի կրճատման, ինչպես նաև Մոսկվայի հետ հարաբերությունների ամբողջ համալիրի քայքայման ֆոնին, իջեցնում է Էստոնիայի հետ դիվանագիտական հարաբերությունների մակարդակը։ Այս մասին ասվում է ՌԴ ԱԳՆ հայտարարության մեջ, գրում է ՏԱՍՍ-ը։
«Էստոնիայի կողմից ձեռնարկել է նոր ոչ բարեկամական քայլ Տալլինում՝ նվազեցնելով ռուսական դեսպանատան թվակազմը և հաստատելով մեր երկրների միջև հարաբերությունների փլուզման գիծը: Ի պատասխան՝ ռուսական կողմը որոշել է երկու երկրներում էլ իջեցնել դիվանագիտական ներկայացուցչի մակարդակը՝ հասցնելով գործերի ժամանակավոր հավատարմատարի»,- ասվում է հայտարարության մեջ։
Նշվում է, որ Մոսկվայում Էստոնիայի դեսպան Մարգուս Լայդեն այդ կապակցությամբ կանչվել է ՌԴ ԱԳՆ, որտեղ նրան խիստ բողոք են ներկայացրել Էստոնիայի իշխանությունների գործողություններից։
«Էստոնիայի Հանրապետության դեսպանը պետք է հեռանա Ռուսաստանի Դաշնությունից 2023 թվականի փետրվարի 7-ին»,- ասված է հաղորդագրությունում։
Էմմա Չոբանյան
