17.05.2026 | 17:13
Մետրոպոլիտենում առաջացած տեխնիկական խափանումը վերացվել է
ԵՄ-ն չի կարող Իրանի հեղափոխության պահապանների կորպուսն ահաբեկչական որակել՝ մինչև դատարանի որոշումը․ Բորել
Քաղաքականություն
23.01.2023 | 17:27
Եվրամիությունը չի կարող Իրանի հեղափոխության պահապանների կորպուսը ներառել ահաբեկչական կազմակերպությունների ցանկում, քանի դեռ ԵՄ դատարանը չի որոշել, որ այն այդպիսին է։ Այս մասին հայտարարել է ԵՄ արտաքին քաղաքականության ղեկավար Ժոզեպ Բորելը, գրում է Reuters-ը։
Եվրոպացի երկու դիվանագետներ, այնուամենայնիվ, լրատվամիջոցին ասել են, որ ԵՄ ԱԳ նախարարները 37 անձանց և կազմակերպությունների անուն են ներառելու ցուցակում՝ Իրանում մարդու իրավունքների խախտման համար։
Եվրախորհրդարանը ԵՄ-ին կոչ է արել Իսլամական հեղափոխության պահապանների կորպուսը ներառել ահաբեկչական կազմակերպությունների շարքում՝ կառույցին մեղադրելով ներքին բողոքի ցույցերը ճնշելու և Ռուսաստանին անօդաչու թռչող սարքեր մատակարարելու մեջ։
«Դա մի բան է, որը չես կարող որոշել առանց դատարանի, առաջինը դատարանի որոշումն է։ Ես չեմ կարող ասել՝ համարում եմ քեզ ահաբեկիչ, որովհետև չեմ սիրում»,- ԱԳ նախարարների հանդիպմանը ժամանելիս լրագրողներին ասել է Ժոզեպ Բորելը։
Նա հավելել է, որ ԵՄ անդամների դատարանը պետք է կոնկրետ իրավական վճիռ կայացնի՝ նախքան ԵՄ-ն ինքը որոշում կկայացնի։
Էմմա Չոբանյան
