27.06.2026 | 13:33
Ռուբիոն հայտարարել է Իսրայել–Լիբանան նոր համաձայնագրի մասին. Իրանը դուրս է մնում, «Հեզբոլլահը»՝ նույնպես
Առաջիկա շաբաթները վճռորոշ են լինելու Ուկրաինայի հակամարտության համար․ Շառլ Միշել
Քաղաքականություն
23.01.2023 | 15:06
Առաջիկա երկու-երեք շաբաթները կորոշեն Ուկրաինայի շուրջ իրադարձությունների հետագա զարգացումը։ Նման կարծիք է հայտնել Եվրոպական խորհրդի ղեկավար Շառլ Միշելը իսպանական El Mundo պարբերականին տված հարցազրույցում, գրում է strana.ua-ն։
«Հաջորդ շաբաթները՝ երկու կամ երեք, վճռորոշ են լինելու պատերազմի ու աշխարհի համար։ Այն, ինչ տեղի կունենա 2023 թվականին, և դրանից շատ բան կախված է մոտակա շաբաթներից, դա կվճռի մեր ապագան»,- ասել է Միշելը։
Այդ կապակցությամբ ԵՄ Խորհրդի ղեկավարը հորդորել է շարունակել աջակցել Ուկրաինային՝ ցուցաբերելով անհրաժեշտ օգնություն։
Ավելի վաղ Ուկրաինայի Ազգային անվտանգության և պաշտպանության խորհրդի ղեկավար Ալեքսեյ Դանիլովը ևս հայտարարել էր, որ պատերազմի առաջիկա ամիսները վճռորոշ են լինելու, և Ռուսաստանը գնալու է «վա բանկ»։
Նախագահի աշխատակազմի ղեկավար Անդրեյ Երմակը նույնպես կանխատեսել է, որ 2023 թվականը վճռորոշ տարի է լինելու պատերազմի համար, սակայն չի բացահայտել Ուկրաինայի զինված ուժերի հարձակման ուղղություններն ու ժամկետը։
Տաթև Ֆռանգյան
