12.04.2026 | 20:50
Կառավարության առաջիկա հինգ առաջնահերթություններից մեկը լինելու է ջրի խնդրի լուծումը․ Փաշինյան
Պաշտպանության նախարարն այս ամենի հետ չի կարող կապ ունենալ. Ալեն Սիմոնյանը՝ ողբերգական դեպքի մասին․ ՏԵՍԱՆՅՈՒԹ
Քաղաքականություն
23.01.2023 | 13:06
ԱԺ նախագահ Ալեն Սիմոնյանն այցելել է Գեղարքունիքի մարզի Ազատ բնակավայրում տեղակայված զորամասի հրդեհից տուժած զինծառայողներին՝ Այրվածքաբանության և մաշկաբանության ազգային կենտրոնում:
Սիմոնյանը լրագրողների հետ զրույցում անդրադառնալով հարցին, թե հրդեհի բռնկման պատճառների վերաբերյալ մանրամասներին իշխանության ներկայացուցիչները տեղեկացել են հրդեհից փրկված վիրավորների՞ց, թե՞ Քննչական կոմիտեից, ԱԺ նախագահը նշեց, որ վիրավոր զինծառայողների պատմածը շատ չի տարբերվում պաշտոնական վարկածից։ «Անձնական զրույց է եղել, չեմ ուզում մանրամասնել, թող նախաքննությունն ընթանա, վստահեցնում եմ՝ մեղավորները նաև քրեաաիրավական պատասխանատվություն կկրեն»,- նշեց ԱԺ նախագահը։
Պատասխանելով հարցին՝ պաշտպանության նախարար Սուրեն Պապիկյանն արդյոք չպե՞տք է հրաժարական տա տեղի ունեցած ողբերգական դեպքից հետո, երբ հունվարի 19-ին Գեղարքունիքի մարզի Ազատ գյուղի տարածքում տեղակայված ՀՀ ՊՆ N զորամասի ինժեներասակրավորային վաշտի կացարանում տեղի ունեցած հրդեհի հետևանքով 15 զինծառայող զոհվեց, Սիմոնյանը պատասխանեց․ «Պաշտպանության նախարարն այս ամենի հետ որևիցե ձևով չի կարող կապ ունենալ, որովհետև իր գործառույթի մասով ինքն իր աշխատանքը ամբողջովին արել է, և այդ քաղաքական սակարկումները նախարարի վերաբերյալ՝ սին, անտեղի եմ համարում, որովհետև նա համաձայնություն է տվել այդ վիճակում բանակը վերցնել և սկսել բարեփոխել»։
Մանրամասները՝ տեսանյութում։
