Եթե Լեհաստանն իր Leopard տանկերն ուղարկի Ուկրաինային, Գերմանիան չի խոչընդոտի․ պաշտոնյա

Լուրեր

25.11.2024 | 11:40
ՌԴ-ն ակնկալում է հասնել Հայաստանի հետ ապրանքաշրջանառության ռեկորդային ցուցանիշի՝ 14-16 միլիարդ դոլարի․ Սերգեյ Կոպիրկին
25.11.2024 | 11:29
Մարդիկ տեղյակ չեն, որ դա ներդրում է, և գումար է ավելանում․ պատգամավորը՝ կուտակային կենսաթոշակի մասին․ ՏԵՍԱՆՅՈՒԹ
25.11.2024 | 11:18
Կոպիրկինը հայտարարել է, թե «ՌԴ-ն հավատարիմ է Հայաստանի անվտանգության ապահովման պարտավորություններին և՛ երկկողմ, և՛ ՀԱՊԿ-ի ձևաչափով»
25.11.2024 | 11:07
Մոտոցիկլավարը մահացել է, վարորդը դիմել է փախուստի
25.11.2024 | 10:55
Վիլնյուսում բեռնատար ինքնաթիռն ընկել է բնակելի տան վրա
25.11.2024 | 10:44
Տպավորություն է՝ փրկօղակ եք ուզում սարքեք, ասեք՝ անհասկանալի ընկերությունում ներդրում արեք․ Խաչատրյան․ ՏԵՍԱՆՅՈՒԹ
25.11.2024 | 10:33
Կենսաթոշակային ֆոնդերի ծավալը հասել է 1 տրիլիոնի, ինչը լուրջ թիվ է․ ԿԲ նախագահի տեղակալ․ ՏԵՍԱՆՅՈՒԹ
25.11.2024 | 10:18
Վրաստանի խորհրդարանում գործարկվել է անվտանգության դեղին մակարդակ
25.11.2024 | 10:05
ԱԺ ֆինանսավարկային և բյուջետային հարցերի հանձնաժողովի նիստը՝ ՈՒՂԻՂ
25.11.2024 | 09:50
Արտարժույթների փոխարժեքները՝ նոյեմբերի 25-ի դրությամբ
25.11.2024 | 09:31
Փակ է «Ամբերդ»-ից Քարի լիճ տանող ճանապարհը
24.11.2024 | 21:56
Միակն ու անկրկնելին. ՀՀ-ում Ֆրանսիայի դեսպանի արձագանքը՝ Ադրբեջանի տարածքային պահանջներին
24.11.2024 | 21:16
Հայաստանի բասկետբոլի հավաքականը պարտվեց Ավստրիայի թիմին
24.11.2024 | 21:00
«Կանաչ» հիմնադրամներից շատերն այնքան էլ կանաչ չեն. ապաքաղաքական զրույց Ինգա Զարաֆյանի հետ․ ՏԵՍԱՆՅՈՒԹ
24.11.2024 | 20:47
Իսրայելի ավիահարվածների հետևանքով Լիբանանում կան տասնյակ զոհեր և հարյուրավոր վիրավորներ
Բոլորը

Գերմանիան չի խոչընդոտի, եթե Լեհաստանն Ուկրաինա ուղարկի իր գերմանական Leopard 2 տանկերը։ Ֆրանսիական LCI հեռուստաալիքին տված հարցազրույցում այս մասին ասել է Գերմանիայի արտաքին գործերի նախարար Աննալենա Բերբոքը, գրում է VOA-ն։

Հիշեցնենք, որ Լեհաստանն ու Ֆինլանդիան անցյալ շաբաթ հայտարարել էին, որ ցանկանում են տանկեր ուղարկել Ուկրաինա, սակայն դրա համար անհրաժեշտ է Բեռլինի թույլտվությունը։

Հարցին՝ ի՞նչ կլիներ, եթե Լեհաստանն ուղարկեր իր Leopard 2 տանկերն առանց Գերմանիայի թույլտվության, Բերբոքը պատասխանել է. «Այս պահին այդ հարցը չի բարձրացվել, բայց եթե մեզ հարցնեին, մենք չէինք խոչընդոտի»։

Միաժամանակ, «Ազատություն» ռադիոկայանը մեջբերում է Լեհաստանի վարչապետ Մաթեուշ Մորավիեցկիին, որը հունվարի 22-ին ասել էր, որ եթե Գերմանիայի կառավարությունը որոշի Leopard 2 տանկերն Ուկրաինային չփոխանցել, Վարշավան կկազմի երկրների «փոքր կոալիցիա», որը կապահովի Կիևի համար «ժամանակակից տեխնոլոգիաները» և «ժամանակակից տանկերը» սեփական զինանոցից։

Կիրակի տեղի ունեցած գագաթնաժողովի ընթացքում Ֆրանսիայի և Գերմանիայի առաջնորդները փորձել են հաղթահարել տարաձայնությունները, որոնք ծագել են երկու երկրների հարաբերություններում Ուկրաինայի պատերազմի սկզբից ի վեր։

Երկու երկրների կառավարությունները համատեղ հայտարարություն են տարածել՝ նշելով, որ մտադիր են խթանել մարտական տանկերի կառուցման համատեղ նախաձեռնությունները, մշակել տիեզերական ծրագրեր և զարգացնել ջրածնի ու մարտկոցների արտադրության տեխնոլոգիաներ։

Տաթև Ֆռանգյան