23.11.2024 | 00:35
Թրամփի հետ հեռախոսազրույցը տեղեկատվական էր, բայց նաև շատ պոզիտիվ. Փաշինյան. ՏԵՍԱՆՅՈՒԹ
Միրզոյանը՝ Բաքվի հետ բանակցային գործընթացի մասին․ Պապիկյանը դեռ չի այցելել հրդեհի վայր․ Լուրեր
20.01.2023 | 20:08
- Հայաստանի ԱԳ նախարար Արարատ Միրզոյանը այսօր Արմենպրեսին հայտնել է, որ Հայաստանն Ադրբեջանի հետ խաղաղ հարաբերությունների հաստատման պայմանագրի շուրջ բանակցությունները երբեք էլ չի դադարեցրել: Միրզոյանի խոսքերով՝ անկախ Լաչինի միջանցքում ադրբեջանական ապօրինի գործողություններից և մոսկովյան հանդիպման հետաձգումից՝ հայկական կողմը ավելի քան մեկ ամիս առաջ ադրբեջանական կողմին է փոխանցել պայմանագրի նախագծի վերաբերյալ նոր առաջարկները և դրանց հիմնավորումները, բայց դեռևս արձագանք չի ստացել:
- Արցախի ԱԳ նախարարությունը ողջունում է Եվրախորհրդարանի կողմից Արցախի շրջափակման դատապարտումը և հավանություն է տալիս տեղում հումանիտար իրավիճակը գնահատելու նպատակով Լաչինի միջանցք փաստահավաք առաքելություն ուղարկելուն։
- Հրդեհի հետևանքով զինծառայողների մահվան դեպքից հետո արդեն երկրորդ աշխատանքային օրն ավարտվում է, սակայն ՊՆ նախարար Սուրեն Պապիկյանը չի այցելել 15 զինվորի մահվան պատճառ դարձած հրդեհի վայր, ինչպես նաև չի տեսակցել զորանոցում բռնկված հրդեհի հետևանքով վիրավորված զինծառայողներին։
- Մի շարք հնչեղ քաղաքական գործերով հայտնի դատավոր Մնացական Մարտիրոսյանը նշանակվել է Երևան քաղաքի ընդհանուր իրավասության դատարանի Կենտրոն և Նորք-Մարաշ վարչական շրջանի նստավայրի նախագահի պաշտոնակատար։
Այս ժամի լուրերը՝ տեսանյութում։
