29.10.2026 | 12:36
Ղարաբաղից տեղահանվածների սոցիալական աջակցության երկու ծրագիր կերկարաձգվի մինչև 2027 թվականը
Թեհրանը հայտարարել է, որ չի ճանաչում Ղրիմի և չորս նոր շրջանների մուտքը Ռուսաստանի կազմի մեջ
Քաղաքականություն
19.01.2023 | 18:40
Իրանը չի ճանաչում Ղրիմի և չորս նոր շրջանների մուտքը Ռուսաստանի կազմ՝ չնայած Մոսկվայի հետ հիանալի հարաբերություններին։ TRT World-ին այս մասին ասել է Իրանի արտգործնախարար Հոսեյն Ամիր Աբդոլլահիանը։
«Մենք ճանաչում ենք երկրների ինքնիշխանությունը և տարածքային ամբողջականությունը միջազգային օրենքների շրջանակում, հետևաբար, չնայած Թեհրանի և Մոսկվայի միջև հիանալի հարաբերություններին, մենք չենք ճանաչել Ղրիմի, Լուգանսկի և Դոնեցկի շրջանների անջատումն Ուկրաինայից։ Մենք պնդում ենք արտաքին քաղաքականության մեր հետևողական սկզբունքը. երբ ասում ենք, որ ուկրաինական հակամարտությունը լուծում չէ, մենք հավատում ենք մեր դիրքորոշմանը որպես հիմնարար քաղաքական սկզբունքի, որի վրա մենք հենվում ենք»,- ասել է Աբդոլլահիանը։
Հիշեցնենք, որ Ղրիմը բռնակցվել է ՌԴ-ին 2014 թվականի մարտին: ՌԴ-ի վերահսկողությանն անցած մյուս շրջաններում Ռուսաստանին միավորվելու հարցով հանրաքվեներ են անցկացվել Ուկրաինայի դեմ սանձազերծված պատերազմից հետո, որի արդյունքները միջազգային հանրությունը չի ընդունում։
Տաթև Ֆռանգյան
