14.12.2025 | 21:40
Ոստիկանությունը ձերբակալել է Բրաունի համալսարանում կրակ բացելու մեջ կասկածվողին
Նոր Զելանդիայի վարչապետը հրաժարական է տվել
Քաղաքականություն
19.01.2023 | 17:45
Նոր Զելանդիայի վարչապետ Ջասինդա Արդերնը հայտարարել է հրաժարական տալու մասին։ Քաղաքական գործչի խոսքով՝ ինքն այլևս երկիրը ղեկավարելու ուժ չունի։ Արդերնը ծրագրում է պաշտոնից հեռանալ ոչ ուշ, քան փետրվարի սկզբին, գրում է DW-ի ռուսական ծառայությունը։
Մամուլի ասուլիսի ժամանակ Ջասինդա Արդերնը խոստովանել է, որ վարչապետի պաշտոնը զբաղեցնելու վեց տարին իր համար ծանր ժամանակ է եղել։ Այժմ նա իր համար այլևս հնարավորություն չի տեսնում այդ պաշտոնում մնալու և նոր ընտրություններին առաջադրվելու համար։
«Ես գիտեմ, որ քաղաքական գործիչները մարդիկ են: Մենք անում ենք այն ամենը, ինչ կարող ենք, քանի դեռ կարող ենք: Եվ հետո գալիս է ժամանակը․․․ Ինձ համար դա եկել է»,- ասել է Արդերնը:
Վարչապետի պաշտոնում Ջասինդա Արդերնի պաշտոնավարման ընթացքում Նոր Զելանդիան վերապրել է Քրայսթչերչի ահաբեկչությունը, երկրաշարժեր, քաղաքական և տնտեսական ճգնաժամեր, կորոնավիրուսային համաճարակ: Արդերնն ասել է, որ չի հեռանում, քանի որ իր աշխատանքը դժվար է իր համար, այլ որովհետև «մյուսներն այս պաշտոնում կարող են ավելի լավ անել այդ աշխատանքը»:
Տաթև Ֆռանգյան
