09.09.2026 | 13:37
Մարիա Կարապետյանը՝ Արտաքին հարաբերությունների մշտական հանձնաժողովի փախնախագահ
Մենք չպետք է ամեն ինչ փաթաթենք մեկ մարդու գլխին. Արթուր Հովհաննիսյանը՝ Պապիկյանի հրաժարականի մասին․ ՏԵՍԱՆՅՈՒԹ
Քաղաքականություն
19.01.2023 | 12:19
«Քաղաքական և քրեաիրավական պատասխանատվության մասին կխոսենք, երբ դեպքի մանրամասներն ամբողջությամբ պարզվեն»,- խոհրդարանական ճեպազրույցների ընթացքում հայտարարեց ԱԺ պատգամավոր, ՔՊ խմբակցության քարտուղար Արթուր Հովհաննիսյանը՝ անդրադառնալով հարցին, թե արդյոք զորամասում բռնկված հրդեհի հետևանքով տեղի ունեցած ողբերգությունը պատճառ չէ, որ հրաժարական ներկայացնի ՊՆ նախարար Սուրեն Պապիկյանը, այսինքն, իրավական գործընթացներից զատ նաև հետևի քաղաքական պատասխանատվություն:
«Ողբերգական դեպք է տեղի ունեցել։ Պաշտպանության նախարարը, իշխանությունն է քաղաքական պատասխանատուն երկրում տեղի ունեցած յուրաքանչյուր իրավիճակի համար, բայց դա չի նշանակում, որ միանգամից պետք է փորձենք քավության նոխազների գտնել և ամեն նչ փաթաթել մեկ մարդու վզին», – նշեց Հովհաննիսյանը։
Հիշեցնենք՝ հունվարի 19-ին՝ ժամը 01:30-ի սահմաններում, դեռևս չպարզված հանգամանքներում հրդեհ է բռնկվել Գեղարքունիքի մարզի Ազատ գյուղի տարածքում տեղակայված ՀՀ ՊՆ N զորամասի ինժեներասակրավորային վաշտի կացարանում: Նախնական տվյալներով՝ հրդեհի հետևանքով զոհվել է 15 զինծառայող, 3 զինծառայողի վիճակը գնահատվում է ծանր:
Մանրամասները՝ տեսանյութում։
