Ինչպես են ադրբեջանցիներն ահաբեկել հայ երեխաներին․ Արցախ վերադարձածները մանրամասներ են պատմում․ ՏԵՍԱՆՅՈւԹ

Լուրեր

19.11.2026 | 23:31
ՀՀ տարածքում ավտոճանապարհները հիմնականում անցանելի են
19.11.2026 | 23:21
Հանրապետության նախագահի նստավայրում տեղի է ունեցել դատավորի երդման արարողություն
19.11.2026 | 23:14
Ինչու է Ղարաբաղից տեղահանվածների նոր կենսաչափական փաստաթղթերում ծննդյան վայր նշվում «Ադրբեջան». ՄՔԾ-ի պարզաբանումը
19.11.2026 | 22:53
Կանադայում ՀՀ դեսպանությանը կից ռազմական կցորդի հաստիք կսահմանվի
19.11.2026 | 22:38
ԲԸՏՄ-ն Երևանում կասեցրել է առանց ՇՄԱԳ-ի դրական եզրակացության իրականացվող յուղերի վերամշակումը
19.11.2026 | 22:24
Anthropic-ը IPO-ի միջոցով ռեկորդային 81 միլիարդ դոլար է ներգրավել․ ընկերության արժեքը գնահատվել է շուրջ 1,5 տրիլիոն դոլար
19.11.2026 | 22:10
Երևանի և 8 մարզի մի շարք հասցեներում էլեկտրաէներգիայի անջատումներ կլինեն
19.11.2026 | 21:55
Մասկը կարեկցանք է հայտնել Ուկրաինայում կռվող ռուսաստանցի զինվորների նկատմամբ
19.11.2026 | 21:43
Քննարկվել են Հայաստանի և ՄԱԿ-ի Եվրոպական տնտեսական հանձնաժողովի միջև համագործակցության ընդլայնման հնարավորությունները
19.11.2026 | 21:29
Ռոբերտ Աբիսողոմոնյանը ՄԱԿ-ի նախարարական համաժողովում ներկայացրել է «Խաղաղության խաչմերուկ»-ի և «ԹՐԻՓՓ»-ի նշանակությունը Հարավային Կովկասի համար
19.11.2026 | 21:15
Այո՛, ես ամեն օր քաղաքական հայտ եմ ներկայացնում․ ես քաղաքական գործիչ եմ․ Արմեն Գրիգորյան. ՏԵՍԱՆՅՈՒԹ
19.11.2026 | 21:09
ՌԴ-ի ու Վրաստանի հատուկ ներկայացուցիչները հանդիպել են Մինսկում
19.11.2026 | 20:58
Եվրահանձնաժողովը խոշոր կիբերհարձակման է ենթարկվել
19.11.2026 | 20:44
ԵՄ-ն ընդունում է Հայաստանի եվրոպական ձգտումները, որոնք հանդիսանում են երկրի ռազմավարական ժողովրդավարական ընտրությունը
19.11.2026 | 20:30
«Ճողոպրել է բանակից», «Վիրավորվել եմ»․ հեռակա բանավեճ Փաշինյանի և «Ուժեղ Հայաստան»-ի պատգամավորի միջև. ՏԵՍԱՆՅՈՒԹ
Բոլորը

Դեկտեմբերի 11-ին «Մանկական Եվրատեսիլ» երգի միջազգային մրցույթը դիտելու համար Արցախից Հայաստան եկած 19 երեխաներ 38 օր անց կրկին իրենց ընտանիքների հետ են։ Նրանք Արցախ վերադառնալ չէին կարողանում, քանի որ ադրբեջանցի կեղծ «բնապահպանները» դեկտեմբերի 12-ից փակ են պահում Գորիս-Ստեփանակերտ ճանապարհը։

Հայաստանից Արցախ է վերադարձել ընդհանուր 25 քաղաքացի․ 19 երեխաներ են, 6-ը՝ նրանց ուսուցիչներն ու մայրերը, որոնք այս ամբողջ ընթացքում Գորիսում էին։ Երեխաներին Գորիսից Ստեփանակերտ է ուղեկցել ռուսական խաղաղապահ զորակազմը, բայց ամեն ինչ հարթ չի եղել․ Շուշի-Քարին տակ հատվածում՝ ճանապարհի շրջափակված մասում, «էկոակտիվիստ» ներկայացող ադրբեջանցիները կանգնեցրել են երեխաներին տեղափոխող միկրոավտոբուսը։ Մեքենային են մոտեցել քաղաքացիական հագուստով, դիմակավորված 10-15 ադրբեջանցիներ, որոնք տեսախցիկներով ներխուժել են մեքենայի սրահ, նկարահանել երեխաներին ու տարածել տեսանյութերը։ Ադրբեջանցիների սադրիչ գործողությունների հետևանքով երեխաներից մեկն անգամ ուշագնաց է եղել։ Մյուսների համար ևս տեղի ունեցածը սթրես է եղել։

ՀՕՖ-ի երեխաների աջակցության կենտրոնի գործադիր տնօրեն, ՀՀ սոցիալական աշխատողների ասոցիացիայի նախագահ Միրա Անտոնյանն ասում է՝ ադրբեջանցիների նպատակը հենց դա է եղել՝ ահաբեկելը։ Անտոնյանն արձանագրում է՝ խախտելով հումանիզմի տարրական կանոնները՝ ադրբեջանցի կեղծ «էկոակտիվիստները» ոտնահարել են միջազգային 3 փաստաթղթեր՝ Մարդու իրավունքների համընդհանուր կոնվեցիան, ՄԱԿ-ի երեխաների իրավունքների պաշտպանության կոնվենցիան, ինչպես նաև Ժնևի կոնվենցիան։

Հոգեբանական ահաբեկչության ենթարկված երեխաներին նախ հոգեբանական աջակցություն է անհրաժեշտ։ Արցախում սոցիալական աշխատողները փորձել են հանդիպել ու օգնել երեխաներին։ Անտոնյանն ասում է՝ արդեն ուղերձ են ուղարկել Սոցիալական աշխատողների միջազգային ասոցիացիա, պատրաստվում են դիմել նաև երեխաների պաշտպանությամբ զբաղվող միջազգային կազմակերպություններին։

Ինչպե՞ս ստացվեց, որ ադրբեջանցիները թույլատրեցին Գորիսում մնացած երեխաներին վերադառնալ Արցախ։ Դա հնարավոր է եղել երկարատև բանակցությունների արդյունքում։ Թեև արցախցի երեխաներին ուղեկցել են մեծահասակներ ու ռուս խաղաղապահները, բայց արդյո՞ք խնդրահարույց չէ, որ նրանց հետ չեն եղել նաև Կարմիր Խաչի միջազգային կոմիտեի ներկայացուցիչներ՝ հետաքրքրվեցինք Արցախի ՄԻՊ Գեղամ Ստեփանյանից։

«Մեծ հաշվով՝ խնդրահարույց չէ, եթե պայմանավորվածությունը պահպանվեր, բայց հաշվի չէինք առել, որ նման սադրանքի կարող են դիմել»,- ասաց նա։

Ստեփանյանն ասում է՝ սա ադրբեջանցիների կողմից նախապես ծրագրված սադրանք էր։ ՄԻՊ-ի տվյալներով՝ շուրջ կես ժամ ռուս խաղաղապահները բանակցել են, որպեսզի բացեն ճանապարհը և շարունակեն ընթացքը։ «Մանկական Եվրատեսիլ» երգի միջազգային մրցույթը դիտելու համար Հայաստան եկած շուրջ 2 տասնյակ արցախցի երեխաներ էլ շարունակում են մնալ Երևանում։ Եթե հաջողվի պայմանավորվածություն ձեռք բերել նրանց ևս Արցախ տեղափոխելու հարցում, ըստ Արցախի ՄԻՊ-ի, կատարվածը հաշվի առնելով՝ արդեն անվտանգության առավել հստակ մեխանիզմներ կփորձեն ապահովել։

Մանրամասները՝ տեսանյութում։

Արփի Հակոբյան