16.01.2026 | 21:28
Կատարի դեսպանն իր հավատարմագրերն է հանձնել ՀՀ նախագահին
Արցախի ԱԳՆ-ն չի մեկնաբանում Բաքվի և Ստեփանակերտի ներկայացուցիչների հանդիպման մասին տեղեկությունը, ՀՀ ԱԺ իշխանական պատգամավորները՝ նույնպես
Քաղաքականություն
18.01.2023 | 18:22
Արցախի նորանշանակ ԱԳ նախարար Սերգեյ Ղազարյանը Արցախի և Ադրբեջանի ԱԳՆ ներկայացուցիչների միջև հանդիպման մասին տեղեկությունները չի մեկնաբանում։ Factor.am-ի հետ զրույցում Ղազարյանն ասաց․ «Հիմա հանդիպման եմ, մամուլի քարտուղարի հետ կապվեք»: Մենք կապ հաստատեցինք Արցախի մշտական ներկայացուցչության մամուլի քարտուղար Արմինե Հայրապետյանի հետ, նա իր հերթին ասաց․ «Մեկնաբանություն չունենք, իսկ Լավրովի մյուս հայտարարություններից մի քանիսին ԱԳՆ-ն շուտով կանդրադառնա»։
Հիշեցնենք, այսօր Ռուսաստանի ԱԳ նախարար Սերգեյ Լավրովն ասուլիսում հայտարարել էր, թե հանդիպել են Ստեփանակերտի և Բաքվի ներկայացուցիչները՝ ռուսական խաղաղապահ առաքելության հրամանատար Վոլկովի մասնակցությամբ։ Լավրովը նաև առանց մանրամասների պնդել էր, թե Լաչինի միջանցքի հարցը շուտով կլուծվի։
Factor.am-ը ՀՀ Ազգային ժողովի պաշտպանության և անվտանգության հարցերի, ինչպես նաև արտաքին հարաբերությունների մշտական հանձնաժողովների անդամներից փորձեց այս հարցի առնչությամբ պարզաբանում ստանալ, նրանք սակայն կամ հրաժարվում էին հարցազրույցից կամ ասում էին՝ տեղյակ չեն։
Հավելենք, որ այսօր Ազգային ժողով-կառավարություն հարցուպատասխանի օրն էր, բայց նիստին մասնակցած իշխանական պատգամավորներից որևէ մեկն այդ մասին հարց չհնչեցրին։
