28.09.2026 | 23:18
Հայաստանի մի շարք հասցեներում էլեկտրաէներգիայի անջատումներ կլինեն
Արմեն Աշոտյանը ևս ցանկանում է լինել դուխով․ ՏԵՍԱՆՅՈՒԹ
Քաղաքականություն
13.06.2018 | 17:37
Ազգային ժողովի ՀՀԿ խմբակցության պատգամավոր Արմեն Աշոտյանը Կառավարություն-Ազգային ժողով հարցուպատասխանի ժամանակ հարց ուղղեց ԱԳ նախարար Զոհրաբ Մնացականյանին՝ Հայաստան այցելած համանախագահների հետ հանդիպման ընթացքում արդյոք բարձրաձայնվե՞լ է հայկական կողմի բանակցային ռազմավարության մասին՝ բանակցություններին Արցախի մասնակցության մասին և արդյոք խոսվե՞լ է հակառակորդի կողմից նկատվող կուտակումների մասին։
Հարցին ի պատասխան ՀՀ ԱԳ նախարար Զոհրաբ Մնացականյանը նշեց, որ համանախագահների այսօրվա այցի ընթացքում այո՛, բարձրաձայնվել են այդ հարցերը: «Մենք շատ հստակ արտահայտել ենք մեր քաղաքականությունը և դիրքորոշումը Արցախի հարցում, մենք արտահայտել ենք մեր գերակայությունը, որը վերաբերում է բանակցային հարցում Արցախի մասնակցությանը։ Համանախագահներն էլ ժամանել են Հայաստան ճանաչողական այցով»,- ասաց նախարարը։
Արձագանքի մեջ պատգամավորը նկատեց, որ իր հարցադրումներն առաջացել են տարածված հաղոդագրությունից, դրանց պատասխանները չգտնելուց հետո, ուստի խնդրեց նախարարության կողմից տարածված հաղորդագրություններով ևս հասարակությանն առավել շատ տեղեկատվություն ներկայացնել։
Արմեն Աշոտյանը խորհուրդ տվեց Արցախի վերաբերյալ քննարկումներին մասնակից դարձնել խորհրդարանական խմբակցություններին, որպեսզի իրենք էլ լինեն «միասնական, խրոխտ և դուխով»։
Մանրամասները՝ տեսանյութում։
