28.10.2026 | 23:23
Քննարկվել են Լուվրի և Հայաստանի պատմության թանգարանի միջև համագործակցության հեռանկարները
«Բա որ համերաշխ չէինք, նախարարական, մարզպետների պորտֆելները ինչի՞ ձեզ տվեցինք»․ Ալեքսանյանը՝ ՀՅԴ-ին․ ՏԵՍԱՆՅՈՒԹ
Քաղաքականություն
17.01.2023 | 17:27
«Ձեր մեղադրանքների մեջ մի բան չկա, որ փաստերի վրա հիմնված լինի, մի բան չկա, որի տակ զզվելի սուտ չլինի։ Այս մասին Ազգային Ժողովում հայտարարությունների ժամին նշեց «Քաղաքացիական պայմանագիր» խմբակցության պատգամավոր Վահագն Ալեքսանյանը՝ անդրադառնալով «Հայաստան» խմբակցության պատգամավոր Լիլիթ Գալստյանի քննադատական ելույթին։
«ՀՀ-ում որոշ մարդիկ ցանկանում են մեր պետությունը դարձնել ծուռ հայելիների թագավորություն։
Ընդդիմադիր պատգամավորը, որը եղել է իշխանություն, մեզ մեղադրում է բուհերի քաղաքականացվածության մեջ և որպես փաստ ներկայացնում է բուհերի հոգաբարձուների խորհուրդներում քաղաքական գործիչների ներկայացվածությունը։
Բոլոր ուսանողներն էլ կփաստեն, որ չի եղել ՔՊ-ական որևէ գործիչ, որը կգնար, բուհերից ուսանողներին կհավաքեր կտաներ ինչ-որ միտինգի։ Չի եղել մեկը, ով ասել է՝ բոլոր ուսխորհրդականները պետք է դառնան ՔՊ-ական․․․» ,- նշեց Ալեքսանյանը։
«Եթե ռեպրեսիվ մահակ է գործում, ինչպե՞ս է ԵՊՀ դեկաններից մեկը ընդդիմության ցուցակով առաջադրվում պատգամավոր, առաջ գիտխորհրդի ժամանակ քացու տակ կգցեին ու կտշեին։
Համերաշխության մասին քամահրանքով եք խոսում, բա որ համերաշխ չէինք, նախարարական, մարզպետների պորտֆելները հեղափոխությունից հետո ինչի՞ ձեզ տվեցինք»,- դիմելով ՀՅԴ-ական պատգամավորներին՝ նշեց իշխանական պատգամավորը։
Մանրամասները՝ տեսանյութում։
