15.01.2025 | 14:03
Արտադրողականությունը բարձր է այն երկրներում, որտեղ աշխատաժամանակը կրճատված է. Նարեկ Մկրտչյան․ ՏԵՍԱՆՅՈՒԹ
ԱԺ-ն քննարկում է Հաշվեքննիչ պալատի անդամի պաշտոնում Գագիկ Բարսեղյանի թեկնածությունը․ ՏԵՍԱՆՅՈՒԹ
Քաղաքականություն
17.01.2023 | 10:44
ԱԺ-ն քննարկում է Հաշվեքննիչ պալատի անդամի պաշտոնում Գագիկ Բարսեղյանի թեկնածությունը։
«Քաղաքացիական պայմանագիր» խմբակցության կողմից առաջադրված Գագիկ Բարսեղյանի թեկնածությունը Ազգային ժողովին է ներկայացրել ԱԺ ֆինանսավարկային և բյուջետային հարցերի հանձնաժողովը։
Նշենք, որ Գագիկ Բարսեղյանը Գագիկ Բարսեղյանը 1999 թվականից աշխատել է ՀՀ գյուղատնտեսության նախարարությունում, հետո ՀՀ վարչապետի աշխատակազմում։ 2002 թվականից նա աշխատել է ԱԺ-ում` որպես ֆինանսավարկային և բյուջետային հարցերի հանձնաժողովի փորձագետ։ Բարսեղյանը 2016 թվականից ՀՀ ԱԺ բյուջետային գրասենյակի համակարգող փորձագետ է:
«Ցանկանում եմ վստահեցնել, որ, հիմնվելով իմ գիտելիքների, փորձի և հմտությունների վրա, պատրաստ եմ առավելագույնս ներգրավվել բոլոր այն աշխատանքներում, որոնք կնպաստեն ՀՀ-ում միջազգային չափորոշիչներին համապատասխան բարձրագույն աուդիտորական մարմին ունենալուն»,- իր ելույթում նշեց Բարսեղյանը՝ նաև ներկայացնելով իր դիտարկումները Հաշվեքննիչ պալատի գործունեության արդյունավետության բարձրացման վերաբերյալ։
Թեկնածուի դիտարկմամբ՝ համաշխարհային պրակտիկայում բարձրագույն աուդիտորական մարմինների հիմնական ազդեցության խողովակները խորհրդարանն ու հանրությունն են:
«Եվ պատահական չէ, որ Հաշվեքննիչ պալատի մասին ՀՀ օրենքի 3-րդ հոդվածով Հաշվեքննիչ պալատը հաշվեքննությունից բխող մասնագիտական և անկողմնակալ տեղեկատվությունը ներկայացնում է ԱԺ-ին և հանրությանը: Պետք է արձանագրենք, որ ԱԺ-ի հետ համագործակցությունը վերջին տարիներին ակտիվացել է, կազմակերպվել են քննարկումներ, որոնք վերաբերել են հաշվեքննությունների արդյունքներին, բարելավել են պետբյուջեի կատարմանն առնչվող եզրակացությունները և այլն»,- նշեց Բարսեղյանը:
Մանրամասները՝ տեսանյութում։
