16.01.2026 | 21:15
Արծաթապատ եղջյուր, հեծանվային սաղավարտ․ Փաշինյանի ստացած նվերները փոխանցվել են Վարչապետի աշխատակազմի օգտագործմանը
Էդուարդ Աղաջանյանը հրաժարակա՞ն կտա․ԱԺ արտաքին հարաբերությունների հանձնաժողովում փոփոխություն է սպասվում
Քաղաքականություն
16.01.2023 | 16:16
Factor.am-ի տեղեկություններով Էդուարդ Աղաջանյանը կհեռանա ԱԺ արտաքին հարաբերությունների հանձնաժողովի նախագահի պաշտոնից։ Նա հրաժարականի մասին կհայտարարի հաջորդ քառօրյա նիստերի ընթացքում։ Մեր տեղեկություններով նրան փոխարինելու է Սարգիս Խանդանյանը։
Այսօր իշխող ՔՊ խմբակցությունը փակ քվեարկություն է անցկացրել և որոշել այդ պաշտոնի համար առաջադրել Սարգիս Խանդանյանի թեկնածությունը։ Այս տեղեկությունների վերաբերյալ Factor.am-ը փորձեց տեղեկություն ստանալ Էդուարդ Աղաջանյանից և Սարգիս Խանդանյանից, սակայն, նրանք մեր զանգերն անպատասխան թողեցին, իսկ խմբակցության քարտուղար Արթուր Հովհաննիսյանն ասաց, որ մեր տեղեկությունները չի հաստատում։ Ճշտող հարցին՝ հերքո՞ւմ է, Արթուր Հովհաննիսյանը կրկնեց, որ չի հաստատում։
Հարցին էլ, թե այսօր ի՞նչ հարց են քննարկել ու քվեարկել խմբակցության փակ նիստի ընթացքում Արթուր Հավհաննիսյանն ասաց․ «ՔՊ-ն փակ նիստ է անցկացրել, որի օրակարգը փակ է, եթե այդ նիստից բաց կտոր լինի՝ կհայտնենք»։
Նարեկ Կիրակոսյան
