09.09.2026 | 18:44
Ըստ Զատուլինի՝ ՀՀ-ի հետ առևտրատնտեսական հարաբերություններում «մեղմացում չի լինի, քանի դեռ Նիկոլ Փաշինյանը իշխանության է»
Լիքը մարդ ունեք, որ չգիտեմ՝ ինչով են զբաղված․ դժվա՞ր է՝ ձեր անձնակազմին հավաքեք, ասեք՝ ինչ պետք է անեն․ ՏԵՍԱՆՅՈՒԹ
Տեսանյութեր
16.01.2023 | 11:21
Երևանի վարչական շրջանների կողմից քաղաքապետարանի եկամուտների հաշվառման և գանձման վարչություն է ներկայացվել թվով 483 անձի ժամկետանց պարտավորությունների վերաբերյալ տեղեկատվություն, այդ թվում Արաբկիր վարչական շրջանի կողմից 83, Կենտրոն վարչական շրջանի կողմից՝ 57, Նոր Նորք վարչական շրջանի կողմից՝ 120 և Շենգավիթ վարչական շրջանի կողմից՝ 223 գործ: Այս մասին այսօր Երևանի քաղաքապետարանի գործակարգավարական խորհրդակցության ժամանակ նշեց վարչության պետի պաշտոնակատար Արման Ջհանգիրյանը:
«Երկու վարչական շրջան՝ Քանաքեռ-Զեյթուն և Նուբարաշեն, գրավոր ներկայացրել են, որ չունեն այլևս պարտավորություն: Ավանը բանավոր է ասել, որ ավարտել են»,- նշեց Ջհանգիրյանը:
Քաղաքապետ Հրաչյա Սարգսյանը հետաքրքրվեց, թե մնացած 5 վարչական շրջաններն ինչ փուլում են, որին ի պատասխան վարչական ղեկավարները նշեցին, որ տեղյակ չեն, կշտեն, կտեղեկացնեն:
«Ժողովուրդ ջան, ամեն մեկիդ էս հարցը 5 անգամ տվել եմ, ամեն մեկիդ մեկ հանձնարարական է օրվա ընթացքում: Ձեր ենթակայության տակ է եկամուտների հաշվառումը և լիքը մարդ ունեք, որ չգիտեմ՝ ինչով են զբաղված: Դժվա՞ր է էստեղից դուրս գաք, ձեր անձնակազմին հավաքեք, ասեք ինչ պետք է անեն»,- նշեց քաղաքապետը:
Մանրամասները՝ տեսանյութում։
