17.03.2026 | 17:54
Արտավազդ Քարամյանը հյուրընկալվել է «Փյունիկին»․ ԼՈՒՍԱՆԿԱՐ
Այս պահին «Ելքը», ԱԺ կանոնակարգ օրենքի համաձայն, ընդդիմադիր խմբակցություն է. Էդմոն Մարուքյան. ՏԵՍԱՆՅՈՒԹ
Քաղաքականություն
13.06.2018 | 14:14
Ազգային ժողովի «Ելք» խմբակցության պատգամավոր Էդմոն Մարուքյանն այսօր լրագրողների հետ զրույցում նշեց, որ վարչապետը դեռևս չի ստորագրել Մանե Թանդիլյանի հրաժարականի դիմումը, ուստի դեռևս նրան փոխարինող նախարարի անուն չեն քննարկել։
Հարցին՝ ինչու է Մանե Թանդիլյանը հեռանում նաև «Լուսավոր Հայաստան» կուսակցութունից, Էդմոն Մարուքյանը պատասխանեց, որ նա կարող է դուրս չգալ և շարունակել իր գործունեությունը կուսակցությունում, քանի որ ոչ թե շարքային անդամ է, այլ կուսակցության փոխնախագահն է։
«Եթե տարբերակ լինի, որ Մանե Թանդիլյանը շարունակի աշխատել, ուրախ կլինենք: Մեր կուսակցությունում էլ ունենք լավ ռեսուրս և ցանկացած նախարարի պաշտոնում կարող ենք մարդ առաջարկել»,- ասաց նա։
Հարցին՝ արդյոք Ազգային ժողովում «Ելք» խմբակցությունն իշխանությո՞ւն է, թե՝ ոչ, Էդմոն Մարուքյանը պատասխանեց․ «Այս պահին «Ելք» խմբակցությունը, ԱԺ կանոնակարգ օրենքի համաձայն, ընդդիմադիր խմբակցություն է»,- ասաց պատգամավորը։
Մանրամասները՝ տեսանյութում։
