21.10.2026 | 12:22
Երկաթուղի, նավթամուղ, գազամուղ․ Միրզոյանը ներկայացրեց՝ ինչ ենթակառուցվածքներ կունենա TRIPP-ը․ ՏԵՍԱՆՅՈՒԹ
Հեռուստաընկերությունները վերահսկվում են․ լիցենզավորման կարգը վերանայման կարիք ունի․ Հայկ Կոնջորյան․ ՏԵՍԱՆՅՈՒԹ
Քաղաքականություն
13.06.2018 | 11:26
Ազգային ժողովում շարունակվում է հերթական քառօրյան, որի օրակարգային հարցերից մեկով քննարկվում է «Հեռուստատեսության և ռադիոյի ազգային հանձնաժողովի 2017 թ. գործունեության մասին» օրենքի նախագիծը։
ԱԺ «Ելք» խմբակցության պատգամավոր Հայկ Կոնջորյանը, դիմելով հարցի հիմնական զեկուցող Հեռուստատեսության և ռադիոյի ազգային հանձնաժողովի անդամ Գագիկ Բունիաթյանին, նշեց, որ շատ հաճախ հեռուստաընկերությունների զգալի մասը վերահսկվել է մի կենտրոնի կողմից, և այդ վերահսկողությունը հանրության և հեռուստատեսության միջև խորը անջրպետ է առաջացրել։
Պատգամավորը նշեց, որ թավշյա հեղափոխության առաջին շրջանում Հանրային հեռուստատեսությունն անտեսում էր ողջ գործընթացը և հանրությունը օգտվում էր ինտերնետից, և այդ իմաստով Հանրայինը դառնում էր անմրցունակ։
Հայկ Կոնջորյանը Գագիկ Բունիաթյանից հետաքրքրվեց՝ արդյոք համաձա՞յն է այս գնահատականների հետ։
Ի պատասխան՝ Գագիկի Բունիաթյանը նկատեց, որ զերծ է մնում քաղաքական գնահատականներից, բայց հեռուստատեսությունը դասական լրատվամիջոց է և այդ պատճառով է շատ դեպքերում զիջում լրատվական կայքերին։
Հայկ Կոնջորյանը նշեց, որ այս հանգամանքը պետք է հետագայում հաշվի առնել և վերանայել հեռուստաընկերությունների լիցենզավորման կարգը։
Մանրամասները՝ տեսանյութում։
