17.08.2026 | 12:52
Եվս 3 հայ բռնցքամարտիկներ երիտասարդական ԵԱ-ի 1/4 եզրափակիչում են
Ե՛վ հաջողությունների, և՛ անհաջողությունների պատասխանատուն ես եմ․ Փաշինյան․ ՏԵՍԱՆՅՈՒԹ
Քաղաքականություն
10.01.2023 | 12:44
Ցանկացած իրավիճակի պատասխանատուն երկրի իշխանությունն է և գործադիր իշխանության առաջին դեմքն է։ Այսօր հրավիրած ասուլիսում հայտարարեց վարչապետ Նիկոլ Փաշինյանը անդրադառնալով դիտարկմանը, որ ընդդիմությունը վարչապետին մեղադրում է հետևյալի մեջ՝ պատերազմ, շրջափակված Արցախ, օկուպացված տարածքներ, զոհեր, մարտահրավերներ։
Փաշինյանն ընդգծեց, որ և՛ բարեփոխումների, և՛ ձախողումների պատասխանատուն ինքն է։
«Ես երբեք չեմ խուսափել քաղաքական պատասխանատվություն կրելուց ու այդ պատասխանատվության արտացոլում էր նաև այն, որ 2021թ․ ես հրաժարական տվեցի, որպեսզի տեղի ունենան արտահերթ ԱԺ ընտրություններ»,-նշեց Փաշինյանը։
«Եթե մենք ուզում ենք խնդիրները լուծել, պետք խնդիրների ենթատեքստը հասկանալ:
2020-ի պատերազմին նախորդել է 2016-ի պատերազմը․․․ Մենք նաև այսօր ԼՂ հարցը և այս ամբողջ պատմությունը ավելի լավ հասկանալու անհրաժեշտություն ունենք: Ի վերջո պիտի արձանագրենք, որ այս պատմությունը ՀՀ պետականության մասին է, նրա մասին, թե ինչպես ենք ժամանակն օգտագործում մեր պետության ինստիտուցիոնալ կայացման համար»,-ասաց վարչապետը՝ հավելելով՝ ՀՀ պետական շահը պետք է դառնա մեր գործողությունների ելակետը։
Փաշինյանն ընդգծեց, որ բացառում է, որ որևէ մեկը իրեն ավելի խիստ մեղադրանքներ ներկայացնի, քան ինքն իրեն․ «Ասում են՝ Ղարաբաղի հարցը կարելի էր լուծել: Կարելի էր լուծել՝ լուծեիք, ո՞վ էր ձեզ խանգարում․․․»:
Մանրամասները՝ տեսանյութում։
