02.06.2026 | 10:18
Հրդեհ արագ սննդի տաղավարում․ հաջողվել է կանխել հրդեհի տարածումը
Առաջիկա օրերին հնարավոր է՝ Բլինքենը հեռախոսազրույցներ ունենա Հայաստանի և Ադրբեջանի իր գործընկերների հետ․ Փրայս
05.01.2023 | 12:44
ԱՄՆ Պետդեպարտամենտի ներկայացուցիչ Նեդ Փրայսը ճեպազրույցի ժամանակ հույս է հայտնել, որ առաջիկա օրերին Բլինքենը հեռախոսազրույցներ կունենա Հայաստանի և Ադրբեջանի իր գործընկերների հետ։
«Ինչպես գիտեք, քարտուղար Բլինքենն անձամբ ներգրավված է այս գործընթացում. նա ցույց է տվել այդ անձնական մասնակցությունը` համախմբելով Հայաստանի և Ադրբեջանի իր իր գործընկերների առաջնորդներին` պարբերաբար զրուցելով նրանց հետ: Ակնկալում եմ, որ նա առաջիկա օրերին հնարավորություն կունենա կրկին հեռախոսազրույց ունենալ Հայաստանի և Ադրբեջանի իր գործընկերների հետ»,- այս մասին ճեպազրույցի ժամանակ հայտնել է Նեդ Փրայսը։
Ավելի վաղ Նեդ Փրայսը հայտնել էր, որ Ֆիլիպ Ռիքերը լքում է Կովկասի բանակցությունների գծով ավագ խորհրդականի պաշտոնը։
