25.06.2026 | 22:47
Հայաստանը և Իրանը կարևորել են 400 կՎ էլեկտրահաղորդման գծի շուտափույթ ավարտը
Ֆիլիպ Ռիքերը լքում է Կովկասի բանակցությունների գծով ավագ խորհրդականի իր պաշտոնը
Քաղաքականություն
05.01.2023 | 10:28
Ֆիլիպ Ռիքերը լքում է Կովկասի բանակցությունների գծով ավագ խորհրդականի պաշտոնը։ Այս մասին ճեպազրույցի ժամանակ հայտնել է ԱՄՆ Պետդեպարտամենտի ներկայացուցիչ Նեդ Փրայսը։
«Այսօր մենք հայտարարում ենք դեսպան Ֆիլիպ Ռիքերի՝ Կովկասյան բանակցությունների գծով ավագ խորհրդականի պաշտոնից ազատվելու մասին, որն ուժի մեջ կմտնի հունվարի 5-ից:
Ռիքերի՝ որպես Կովկասի բանակցությունների ավագ խորհրդականի արդյունավետ աշխատանքն արագացրեց փոխգործակցությունը և օգնեց կառուցել անհանգիստ տարածաշրջանում խաղաղության հաստատման կառուցվածքային գործընթաց: Նրա ներդրումը վերահաստատում է այն կարևորությունը, որ Միացյալ Նահանգները հատկացնում է՝ օգնելու Հայաստանին և Ադրբեջանին բանակցություններ վարել երկկողմ կայուն խաղաղության շուրջ, ինչպես նաև աջակցելու Վրաստանի ինքնիշխանությանը և տարածքային ամբողջականությանը՝ որպես Ժնևի միջազգային քննարկումների մեր պատվիրակության ղեկավար»,- ասել է Փրայսը:
Փրայսի խոսքերով՝ դեսպան Ռիքերի հեռանալը ոչ մի կերպ չի խաթարում Հարավային Կովկասի տարածաշրջանի համար անվտանգ, կայուն, ժողովրդավարական, բարեկեցիկ և խաղաղ ապագա ապահովելու ԱՄՆ հանձնառությունը:
«ԱՄՆ-ը շարունակում է երկկողմ հիմունքներով համագործակցել համախոհ գործընկերների հետ, ինչպիսին ԵՄ-ն է, և միջազգային կազմակերպությունների միջոցով, ինչպիսին է ԵԱՀԿ-ն՝ Ադրբեջանի և Հայաստանի միջև ուղիղ երկխոսությանը նպաստելու և Լեռնային Ղարաբաղի հակամարտության հետ կապված կամ դրանից բխող բոլոր չլուծված հարցերի լուծումներ գտնելու համար»,- ասված է հաղորդագրության մեջ։
Հիշեցնենք, որ 2022 թվականի օգոստոսի վերջին դեսպան Ֆիլիպ Ռիքերը նշանակվել էր Կովկասում բանակցությունների գծով ավագ խորհրդական։ Ռիքերը՝ որպես ԵԱՀԿ Մինսկի խմբի ամերիկացի համանախագահ, այցելել էր տարածաշրջան։
