26.07.2026 | 23:49
ՃՏՊ՝ հրդեհի բռնկմամբ․ կան զոհեր և տուժածներ
Կյանքից հեռացել է Հռոմի նախկին Պապ Բենեդիկտոս XVI-ը
Քաղաքականություն
31.12.2022 | 17:26
96 տարեկանում վախճանվել է պաշտոնաթող Հռոմի Պապ Բենեդիկտոս XVI-ը (Ջոզեֆ Ռատցինգերը): Այս մասին հայտնել է Սուրբ Աթոռի մամուլի ծառայության ղեկավար Մատեո Բրունին։
«Ցավով հայտնում եմ, որ այսօր ժամը 09:34-ին Վատիկանի Mater Ecclesiae վանքում վախճանվել է պատվավոր Պապ Բենեդիկտոս XVI-ը»,- ասել է նա։
Հանգուցյալի մարմինը երկուշաբթի՝ հունվարի 2-ին, հրաժեշտի համար կդրվի Վատիկանի Սուրբ Պետրոսի տաճարում։
Հիշեցնենք, որ կաթոլիկների Սուրբ Ծննդից առաջ հայտնի դարձավ, որ Բենեդիկտոս XVI-ի առողջական վիճակը լրջորեն վատացել է։ Իտալական լրատվամիջոցները գրում էին, որ նա շնչառության, ինչպես նաև սրտի հետ կապված խնդիրներ ուներ։ Հռոմի Ֆրանցիսկոս պապը խնդրել էր հավատացյալներին աղոթել Բենեդիկտոս XVI-ի համար։
Տաթև Ֆռանգյան
