16.01.2026 | 13:10
Կրկնակի օլիմպիական չեմպիոն Աբդուլռաշիդ Սադուլաևը պայմանագիր է կնքել RAF-ի հետ
Անվտանգային խնդիրները տևական ժամանակ լինելու են. Տիգրան Ավինյան․ ՏԵՍԱՆՅՈՒԹ
Տեսանյութեր
30.12.2022 | 11:41
Անվտանգային խնդիրների առկայության պայմաններում, նույնիսկ պատերազմի պայմաններում կյանքը պետք է շարունակվի, և պետք է շարունակենք աշխատել։ Այս մասին այսօր հրավիրված ասուլիսում նշեց Երևանի փոխքաղաքապետ Տիգրան Ավինյանը։
«Այս պայմաններում շատ ավելի մեծ ծավալներով պետք է աշխատել»,- նշեց Ավինյանը՝ վստահեցնելով, որ անվտանգության նկատառումներից ելնելով՝ Երևանի վարչական շրջանները համատիրությունների հետ համատեղ մեծածավալ աշխատանքներ են իրականացրել՝ ապաստարաններն են մաքրվել։
«Չեմ կարող ասել, թե այս խնդիրն ամբողջությամբ լուծված է, բայց ամեն վարչական շրջանում էականորեն ապաստարանների վիճակը բարելավվել է։ Եվ շարունակաբար շինբարեկարգման աշխատանքներում, որոնք, օրինակ, իրականացվում են մանկապարտեզներում, պոլիկլինիկաներում, նախատեսում ենք նաև ապաստարանների կառուցում։ Այսինքն՝ Երևանի քաղաքապետարանն այն, ինչ պետք է անի, անում է պատշաճ, ժամանակին և անհրաժեշտ ծավալով։
Ինչ վերաբերում է անվտանգային խնդիրներին, դրանք միշտ եղել են և, ամենայն հավանականությամբ, դեռևս տևական ժամանակ լինելու են, բայց դա նշանակում է, որ մենք ավելի շատ պետք է աշխատենք և պատրաստ լինենք տարբեր սցենարների»։
Մանրամասները՝ տեսանյութում։
